సీఎం వైయ‌స్ జ‌గ‌న్‌ను స‌త్క‌రించిన ఎంపీడీవోలు

తాడేప‌ల్లి: ముఖ్యమంత్రి శ్రీ వైయ‌స్‌ జగన్ మోహ‌న్ రెడ్డిని ఏపీ గవర్నమెంట్‌ ఎంప్లాయిస్‌ ఫెడరేషన్‌, ఏపీ ఎంపీడీవోల సంఘం ప్రతినిధులు ఘ‌నంగా స‌త్క‌రించారు. మంగ‌ళ‌వారం తాడేప‌ల్లిలోని ముఖ్య‌మంత్రి క్యాంపు కార్యాల‌యంలో ఆ సంఘాల నేత‌లు సీఎం వైయ‌స్ జ‌గ‌న్‌ను సత్కరించి కృతజ్ఞతలు తెలిపారు. ఎంపీడీవోల పదోన్నతికి అడ్డంకిగా ఉన్న సమస్యను వన్‌ టైం మెజర్‌ విధానం ద్వారా పరిష్కరిస్తూ ప్రభుత్వం ఇటీవల ఉత్తర్వులు జారీ చేసింది. ఈ నిర్ణయం ద్వారా ఎంపీడీవోలకు పదోన్నతి అవకాశాలు రావడమే కాక, పంచాయతీ రాజ్‌ శాఖలోని ఎంపీడీవో దిగువస్ధాయిలోని 12 కేడర్లకు చెందిన వేలాదిమంది ఉద్యోగులకు కూడా పదోన్నతి అవకాశాలు మెరుగుపడనున్నాయని సీఎంకి  ఎంపీడీవోల సంఘం ప్రతినిధులు వివ‌రించారు. ఈ  ముఖ్యమంత్రిని సత్కరించిన వారిలో ఏపీ గవర్నమెంట్‌ ఎంప్లాయిస్‌ ఫెడరేషన్‌ చైర్మన్‌ కాకర్ల వెంకట్రామిరెడ్డి, ఎంపీడీవోల సంఘం అధ్యక్షుడు వై.బ్రహ్మయ్య, ఎంపీడీవోల సంఘం ప్రతినిధులు జీ.వీ.నారాయణ రెడ్డి, కే.శ్రీనివాస రెడ్డి, కే.ఎన్‌.వీ.ప్రసాదరావు, నాతి బుజ్జి త‌దిత‌రులు ఉన్నారు. 

తాజా వీడియోలు

తాజా ఫోటోలు

Back to Top