నంద్యాలలో నవరత్నాలు

నంద్యాల మొత్తం ఇప్పుడు ఎన్నికల వేడి తారాస్థాయికి చేరుకుంది. నువ్వా నేనా అంటూ సాగిన ఎన్నికల ప్రచారానికి సోమవారంతో తెరపడనుంది. అవినీతిని ఎండగడుతూ జగన్ ప్రచారం చేస్తే... వరాల జల్లు కురిపిస్తూ బాబుగారు మరోసారి జనాన్ని నమ్మించే ప్రయత్నం చేశాడు. అయితే ఇప్పుడు చంద్రబాబు వాగ్దానాలకంటే నంద్యాలలో నవరత్నాల సందడే ఎక్కువగా ఉందట. ప్రతి ఒక్కరూ వాటి గురించి చర్చించుకుంటున్నారట. ఇటీవల జరిగిన వైయస్సార్ కాంగ్రెస్ పార్టీ జాతీయ ప్లీనరీలో జగన్ ప్రకటించిన నవరత్నాలు రాష్ట్ర వ్యాప్తంగా సంచలనం సృష్టించిన విషయం తెలిసిందే. అవి తెలుగువారందరికీ మరోసారి వైయస్ రాజశేఖరరెడ్డి సంక్షేమ పాలనను గుర్తుచేశాయన్నది నిర్వివాద అంశం. అయితే ఉప ఎన్నిక సమరానికి ముగింపు పలకడానికి సిద్ధమైన నంద్యాల నియోజకవర్గ ప్రజలు ఇప్పుడు అవే నవరత్నాలను ఒక్కసారి మననం చేసుకుంటున్నారనేది సర్వత్రా వ్యక్తమవుతున్న అభిప్రాయం.