బాబు పాలనలో అభివృద్ధి శూన్యం

శ్రీకాకుళం(ఆమదాలవలస): చంద్రబాబు ముఖ్యమంత్రి అయ్యాక రాష్ట్రంలో అభివృద్ధి కుంటుపడిందని వైయస్‌ఆర్‌సీపీ నాయకుడు తమ్మినేని సీతారాం విమర్శించారు. ఎన్నికల్లో ఇచ్చిన హామీలను అమలు చేయడంలో సీఎం పూర్తిగా విఫలమయ్యారని, డ్వాక్రా మహిళలు, రైతులు, నిరుద్యోగులు ఇలా అందరినీ దగా చేశారని ఆయన ధ్వజమెత్తారు. శ్రీకాకుళం జిల్లా ఆముదాలవలస మండలంలోని చిట్టివలస పంచాయతీలో పార్టీ మండల అధ్యక్షులు తమ్మినేని శ్రీరామూర్తి ఆధ్వర్యంలో గడప గడపకూ వైయస్‌ఆర్‌ కార్యక్రమం నిర్వహించారు. ఈ కార్యక్రమంలో పాల్గొన్న సీతారాం ప్రజల సమస్యలు అడిగి తెలుసుకున్నారు. పార్టీ రూపొందించిన ప్రజాబ్యాలెట్‌ పంపిణీ చేసి బాబు పాలనను తూర్పారబట్టారు.