బాబు డైరక్షన్ ...తమ్ముళ్ల యాక్షన్

చంద్రబాబు కనుసన్నల్లో అసెంబ్లీ సమావేశాలు కొనసాగుతున్నాయి. పచ్చనేతలు అసెంబ్లీని ఎన్టీఆర్ భవన్ లా మార్చేశారు. ప్రతిపక్ష సభ్యులపై మంత్రులు నోరుపారేసుకుంటూ అధికారమదంతో వ్యవహరిస్తున్నారు.  ప్రజాసమస్యలను పక్కదారి పట్టించి ప్రతిపక్షం గొంతు నొక్కేలా  చంద్రబాబు మంత్రులు, ఎమ్మెల్యేలకు ఫుల్ ట్రైనింగ్ ఇచ్చారు. ఒక్కో మంత్రికి చంద్రబాబు ఒక్కో బాధ్యత అప్పజెప్పారు. చేసిన తప్పుడు పనులను కప్పిపుచ్చుకునేందుకు పచ్చచొక్కాలు పెద్ద ఎత్తున నాటకాలు వేస్తున్నారు. వైఎస్ జగన్ రాష్ట్రంలోని ప్రతి అంశంపై చర్చజరగాలి, ఇందుకు అసెంబ్లీ సమావేశాలను పొడిగించాలని ముందు నుంచి చెబుతూ వస్తున్నారు. ఐనా ప్రభుత్వం విపక్షాన్ని పట్టించుకోకుండా ముందస్తు వ్యూహంగా ఐదు రోజుల సమావేశాలను మమ అనిపించేందుకు సిద్ధమయ్యింది .  వైఎస్ జగన్ కాల్ మనీ సెక్స్ రాకెట్ సహా అనేక అంశాలపై చర్చిస్తుంటే మంత్రులు మధ్యమధ్యలో లేవడం వ్యక్తిగత దూషణలకు దిగడం టాపిక్ ను డైవర్ట్ చేయడమే పనిగా పెట్టుకున్నారు. అసెంబ్లీలో ఏకపక్షంగా వ్యవహరిస్తూ పచ్చచొక్కాలు ఇష్టానుసారంగా సభను నడుపుకుంటున్నారు.