కార్యకర్తల మనోధైర్యమే వైయస్సార్‌సీపీకి ఊపిరి

మాట తప్పని మడమ తిప్పని నేత దివంగత ముఖ్యమంత్రి రాజశేఖర్‌రెడ్డి అనేక సంక్షేమ పథకాలు అమలు చేసి పేదల గుండెలో చిరస్థాయిగా నిలచి పోయారని గుర్తు చేసారు. బడుగు, బలహీన, మైనార్టీ వర్గాల సంక్షేమానికి ఆయన చేసిన సేవ మరువలేనిదని అన్నారు. ఆయన తనయుడు వైయస్‌ జగన్‌మోహన్‌రెడ్డి అధికారంలోనికి వచ్చి సీఎం అయితేనే అన్ని సంక్షేమ పథకాలు సక్రమంగా పేదలకు అందుతాయని భరోసా ఇచ్చారు. ఆయన పాలనలోనే ప్రకృతి పులకించి రైతులు సుభిక్షంగా ఉంటారని ఆశాభావం వ్యక్తం చేసారు. గత మూడేళ్ల నుండి కార్యకర్తలు పడుతున్న బాధలను చూస్తున్నానని ఆవేదన వ్యక్తం చేసారు. మరో కొంత కాలం ఈ బాధలు తప్పవని తర్వాత మంచి రోజులు వస్తాయని అప్పటి వరకు అన్ని కష్టాలు భరించాలని అన్నారు. ఆయా గ్రామాలలో మాజీ ఎమ్మెల్యే బూచేపల్లి శివప్రసాద్‌రెడ్డికి ఘన స్వాగతం పలికారు.