బాబు వచ్చాడు జాబులేవి..?

బలిజపేట: విజయనగరం జిల్లా బలిజపేట మండలం పెద్దపెంకి గ్రామ ప్రజలు పార్వతీపురం ఎమ్మెల్యే బొబ్బిలి చిరంజీవులను నిలదీశారు. జాబు రావాలంటే బాబు రావాలన్నారు. బాబు వచ్చినా  జాబులు ఎందుకు ఇవ్వడం లేదని గ్రామానికి వచ్చిన ఎమ్మెల్యేను అడ్డగించారు . పెన్షన్లు, రేషన్ కార్డులు, బ్యాంకు రుణాలు అన్నీ ఏకపక్షంగా ఇస్తున్నారని, అర్హులకు అందడం లేదని ఆవేదన వ్యక్తం చేశారు. ఇందుకు ఎమ్మెల్యే బదులిస్తూ.. ప్రభుత్వ ఉద్యోగాలు లేవని, ప్రైవేటు ఉద్యోగాల కోసం ప్రయత్నించుకోవాలంటూ చెప్పడంపై గ్రామస్తులు తీవ్ర అసహనానికి గురయ్యారు.