మహానేత వైయస్‌కు లక్ష వత్తులతో నివాళి

అనంతపురం: దివంగత మహానేత డాక్టర్‌ వైయస్‌ రాజశేఖరరెడ్డికి మహిళలు లక్ష వత్తులతో దీపోత్సవం నిర్వహించి, నివాళులు అర్పించారు. కార్తీక సోమవారాన్ని పురస్కరించుకుని అనంతపురం వైయస్‌ఆర్‌ సిపి మహిళా విభాగం నాయకులు ఈ కార్యక్రమాన్ని ఘనంగా నిర్వహించారు. అనంతపురం సుభాష్‌ రోడ్డులో‌ ఉన్న వైయస్ఆర్ విగ్రహం వద్ద‌ ఇలా లక్ష వత్తులతో దీపాలంకరణ చేశారు. ఈ సందర్భంగా మహిళా విభాగం నాయకులు బోయ సుశీలమ్మ, శ్రీదేవి, ఉషారాణి మాట్లాడుతూ, మహానేత వైయస్‌ మరణించినప్పటి నుంచీ ప్రతి ఏటా కార్తీక మాసం మూడవ సోమవారం దీపాలంకరణ చేసి ఆయనకు నివాళులర్పిస్తున్నామన్నారు.