మహానేత పథకాల అమలు జననేతతోనే సాధ్యం

పులివెందుల (వైయస్‌ఆర్‌ జిల్లా) : మహానేత డాక్టర్ వై‌యస్‌ రాజశేఖరరెడ్డి రూపొందించిన సంక్షేమ, అభివృద్ధి పథకాలకు ‌కిరణ్‌ ప్రభుత్వం తూట్లు పొడుస్తోందని వైయస్‌ఆర్‌ కాంగ్రెస్‌ పార్టీ గౌరవ అధ్యక్షురాలు, పులివెందుల ఎమ్మెల్యే శ్రీమతి వైయస్‌ విజయమ్మ నిప్పులు చెరిగారు. వైయస్‌ఆర్‌సిపి అధినేత శ్రీ వైయస్ జగ‌న్మోహన్‌రెడ్డి ముఖ్యమంత్రి అయితేనే ఆ పథకాల అమలు సాధ్యమని శ్రీమతి విజయమ్మ పేర్కొన్నారు. అనంతపురం జిల్లా ధర్మవరం, కృష్ణా జిల్లా నూజివీడుకు చెందిన ‌సుమారు 30 మంది మహిళలు శనివారం మధ్యాహ్నం శ్రీమతి విజయమ్మను కలిశారు. పులివెందులలోని శ్రీ వైయస్ జగ‌న్ నివాస‌ంలో తనను కలిసిన వారితో ఆమె మాట్లాడారు.