హైదరాబాద్ః దీర్ఘకాలికంగా పరిష్కారానికి నోచుకోని ఉద్యోగ, ఉపాధ్యాయుల ప్రధాన సమస్యలైన సీపీఎస్ రద్దు, ఏకీకృత సర్వీస్ రూల్స్ ల అంశాలను పార్లమెంట్ దృష్టికి తీసుకెళ్లాలని ఏపీ వైయస్ఆర్ టీచర్స్ ఫెడరేషన్ అధ్యక్ష, ప్రధాన కార్యదర్శులు కె. జాలిరెడ్డి, ఓబులాపతి పార్టీ కేంద్ర కార్యాలయంలో ఎంపీలు వి.విజయసాయిరెడ్డి, వైవీ సుబ్బారెడ్డిలను కలిసి వినతిపత్రం సమర్పించారు. <br/>వచ్చే నెల 16 నుంచి ప్రారంభమయ్యే పార్లమెంట్ సమావేశాల్లో ఉపాధ్యాయుల సమస్యలను సంబంధిత మంత్రుల దృష్టికి తీసుకెళ్లడంతో పాటు..2004 సెప్టెంబర్ 1 తర్వాత నియామకం పొందిన ఉద్యోగ, ఉపాధ్యాయులకు పాత పెన్షన్ పునరుద్ధరించాలని, రాష్ట్రంలో ఖాళీగా ఉన్న ఎంఈవో, డిప్యూటీ ఈవో, లెక్చరర్స్, డైట్ లెక్చరర్స్ పోస్ట్ లను భర్తీ చేసేవిధంగా ప్రభుత్వాలు చర్యలు తీసుకోవాలని విజ్ఞప్తి చేశారు.
