బాబుకు కనువిప్పు కలిగేలా

మైదుకూరుః ఈనెల 29న కడప కలెక్టరేట్ వద్ద రైతులతో కలిసి వైయస్సార్సీపీ మహాధర్నా చేపట్టనుంది.  రాయలసీమ ప్రాంతంలో రైతన్నలు ఎదుర్కొంటున్న సమస్యలు చంద్రబాబుకు పట్టడం లేదని, రాష్ట్ర ప్రభుత్వానికి కనివిప్పు కలిగేలా ఈ ధర్నా చేపడుతున్నట్లు వైయస్సార్సీపీ ఎమ్మెల్యేలు, నేతలు పేర్కొన్నారు. శ్రీశైలం జలాశయంలో 150టీఎంసీల నీరు నిల్వ ఉన్నప్పటికీ నీటిని కేసీ కెనాల్, తెలుగుగంగకు విడుదల చేయడంలో ప్రభత్వం వెనుకంజ వేస్తుందన్నారు. జిల్లాలో ఎక్కువ శాతం రైతులు కేసీ ఆయకట్టు కిందనే పంటను సాగుచేస్తున్నారని, నీరు ఉన్నా ఖరీఫ్‌ పంటకు పూర్తి స్థాయిలో అందిస్తారో లేదోనని రైతన్నలు భయపడుతున్నారు.