'ఆ పత్రికలపై ప్రెస్ కౌన్సిల్‌కు ఫిర్యాదు చేస్తాం'

పాలమూరు వర్సిటీ విద్యార్థులు దాడి చేసినప్పటికీ శ్రీమతి షర్మిల వారి వైపు చేయి చూపుతూ, అభివాదం చేసుకుంటూ ముందుకు నడుచుకుంటూ వెళ్లారని ఎడ్మ తెలిపారు. విద్యార్థులు వ్యూహం ప్రకారం దాడికి దిగినా ఎలాంటి ప్రతిదాడులనూ ప్రోత్సహించకుండా ఆమె ప్రశాంతంగా యాత్ర కొనసాగించారని చెప్పారు. జిల్లాలో విజయవంతంగా సాగుతున్న యాత్రపై ప్రజల్లో భయాందోళనలు సృష్టించడానికే ఇలాంటి అసత్య వార్తలను ఆ మీడియా రాసి, ప్రసారం చేసినట్లు ఆయన విమర్శించారు.

జిల్లాలోని ఆలంపూర్, గద్వాల, మక్త‌ల్, దేవరకద్ర, మహబూ‌బ్‌నగర్, జడ్చర్ల అసెంబ్లీ నియోజకవర్గాల్లో జరిగిన శ్రీమతి షర్మిల పాదయాత్రకు అనూహ్యమైన జనస్పందన లభించిందని కిష్టారెడ్డి ఆనందం వ్యక్తం చేశారు. ప్రభుత్వ వైఫల్యాలను ఎండగడుతూ, పలుచోట్ల రచ్చబండ కార్యక్రమాలు నిర్వహించి ప్రజలతో శ్రీమతి షర్మిల మమేకం అయ్యారని ఆయన గుర్తు చేశారు. విలేకరుల సమావేశంలో పార్టీ అనుబంధ విభాగాల కన్వీనర్ శంభు పుల్లయ్య శెట్టి, ఆర్.రవిప్రకా‌శ్, సయ్య‌ద్ సిరాజుద్దీ‌న్, పార్టీ నేత లింగారెడ్డి పాల్గొన్నారు.