తిరుపతి: జిల్లాలోని శ్రీకాళహస్తిలో దారుణం చోటు చేసుకుంది. వైయస్ఆర్సీపీ శ్రీకాళహస్తి ప‌ట్ట‌ణ అధ్యక్షుడు చెవిరెడ్డి మధుసూదన్‌రెడ్డి తల్లిదండ్రులపై గుర్తు తెలియని వ్యక్తులు దాడికి పాల్పడ్డారు. ఈ ఘటనలో మధుసూదన్‌రెడ్డి తల్లి జయమ్మ మృతి చెందగా, తీవ్ర గాయాల పాలైన తండ్రి మహాదేవరెడ్డికి ప్రభుత్వ ఏరియా ఆస్పత్రిలో చికిత్స అందిస్తున్నారు. దాడికి పాల్పడిన వ్యక్తులు ఎవరు అనేది తెలియరాలేదు. క‌నిగిరిలో .. ప్ర‌కాశం జిల్లా కనిగిరి మండలం తక్కేళ్ళపాడు గ్రామానికి చెందిన వైయస్ఆర్సీపీ నాయకుడు, మాజీ సర్పంచ్ మల్లెల యాకోబు, అతని కుమారుడు మల్లెల ప్రవీణ్ పై మాజీ మండల కన్వీనర్, టీడీపీ నాయకులు పిచ్చాల శ్రీనివాసులలు అతని అనుచరులు దాడి చేశారు. ఈ ఘటనలో గాయ‌ప‌డిన వారిని కనిగిరి ప్రభుత్వ వైద్యశాలలో కనిగిరి నియోజకవర్గం వైయస్ఆర్సీపీ ఇంచార్జి దద్దాల నారాయణయాదవ్ పరామర్శించారు.
