రాజధాని నిర్మాణం పేరుతో రాబంధుల రాజ్యం..!

హైదరాబాద్ః రాజధాని నిర్మాణం పేరుతో రాబంధుల రాజ్యం సృష్టిస్తున్నారని వైఎస్సార్సీపీ అధికార ప్రతినిధి వాసిరెడ్డి పద్మ చంద్రబాబుపై నిప్పులు చెరిగారు. స్విస్ ఛాలెంజ్ పద్ధతి ద్వారా సింగపూర్ సంస్థలకు వేల ఎకరాలు కట్టబెట్టడం వెనుక మతలబేంటో  చెప్పాలని డిమాండ్ చేశారు. పార్టీ కార్యాలయంలో జరిగిన మీడియా సమావేశంలో మాట్లాడిన వాసిరెడ్డి పద్మ చంద్రబాబు తీరును ఎండగట్టారు. రాష్ట్రంలో కడుతున్నది స్వదేశీ రాజధానా లేక విదేశీ రాజధానో చెప్పాలని ఆమె  చంద్రబాబును ప్రశ్నించారు.