వైయస్‌ఆర్‌సీపీలోకి టిడిపి నాయకులు

అనంతపురం: అనంతపురం మండలానికి చెందిన పలువురు కీలక టిడిపి నాయకులు మంగళవారంనాడు వైయస్‌ఆర్ కాంగ్రె‌స్ పార్టీలో చేరారు. మరో ప్రజాప్రస్థానం పాదయాత్ర సందర్భంగా పిల్లిగుండ్ల కాలనీలో జరిగిన బహిరంగసభలో వారంతా షర్మిల సమక్షంలో పార్టీలో చేరారు. టిడిపిలో క్రియాశీలకంగా పనిచేస్తున్న విద్యారణ్యనగర్ వార్డు‌ సభ్యుడు గోవిందరాజులు, మరికొందరు వైయస్‌ఆర్‌సీపీ రాప్తాడు నియోజకవర్గ ఇన్‌చార్జి తోపుదుర్తి ప్రకాష్‌రెడ్డి, రూరల్ మండల కన్వీన‌ర్ ధనుంజయ‌ యాదవ్ ఆధ్వర్యంలో వై‌యస్‌ఆర్‌సీపీ తీర్థం పుచ్చుకున్నారు. షర్మిల వారిని సాదరంగా పార్టీలోకి ఆహ్వానించారు.