'వడ్డీ లేదంటూనే నడ్డి విరుస్తున్నారు'

‌కర్నూలు: మహానేత వైయస్ మరణించాక తమకు పావలా వడ్డీ ‌రుణాలు అస్సలు అందడం లేదని పలువురు మహిళలు మరో ప్రజాప్రస్థానం పాదయాత్ర చేస్తున్న షర్మిల ముందు వాపోయారు.‌ కర్నూలు జిల్లా హెచ్.మురవణి వద్ద శుక్రవారం ఉదయం జరిగిన రచ్చబండ కార్యక్రమానికి ముందు ఓ మహిళ షర్మిల వద్ద తన గోడు వెళ్లబోసుకుంది. ఒక పక్కన వడ్డీలేని రుణాలు అందిస్తున్నామంటూ గొప్పగా చెబుతున్న కిరణ్ ప్రభుత్వ హయాంలో భారీగా వడ్డీలు కట్టించుకుని నడ్డి విరుస్తున్నారని ఆమె భోరున విలపించింది. తాము సంఘం ద్వారా 1.5 లక్షలు అప్పు తెచ్చుకుంటే 14 నెలల కాలంలో రూ. 25 వేల వడ్డీ కట్టించుకున్నారని ఆవేదన వ్యక్తం చేసింది. పావలా వడ్డీ రుణాలు కూడా తమకు ఇవ్వడం లేదని షర్మిలకు ఫిర్యాదు చేసింది. రాజన్న ఉన్నప్పుడు తమకు ఇలాంటి దుస్థితి రాలేదని చెప్పింది. రాజన్న కాలంలో మాదిరిగా ఈ ప్రభుత్వానికి తమ లాంటి పేదల గోడు వినే పరిస్థితి గాని, సమస్యలను పరిష్కరించే దృష్టి గాని లేదని ఆమె విచారం వ్యక్తం చేసింది.