కోడెలకు శిక్ష తప్పదు

నరసరావుపేట: 2014 ఎన్నికల్లో సత్తెనపల్లిలో పోటీచేస్తూ రూ.11.50 కోట్లు ఖర్చు చేశానని  చెప్పిన స్పీకర్ కోడెల శివప్రసాదరావు..24 గంటల్లోనే తాను అలా అనలేదని మాటమార్చడం దారుణమని వైయస్సార్సీపీ ఎమ్మెల్యే గోపిరెడ్డి శ్రీనివాసరెడ్డి మండిపడ్డారు. బాధ్యతాయుతమైన స్పీకర్ పదవిలో ఉంటూ  అన్న మాటను అనలేదని చెప్పడం స్పీకర్ కు తగదన్నారు.  ఎన్నికల్లో  రూ.11.50 కోట్లు ఖర్చయిందని ఓ చానల్‌కు ఇచ్చిన ఇంటర్వ్యూలో స్పీకర్  కోడెల చెప్పిన విషయం ప్రపంచం మొత్తం చూసిందన్నారు. దీనిపై ప్రజల నుంచి విమర్శలు తలెత్తటంతో స్పీకర్  మాట మారుస్తున్నారని దుయ్యబట్టారు.