తెలుగు రాష్ట్రాల మధ్య చిచ్చుకు ‘బాబు’ యత్నం

తూర్పుగోదావరి (గోకవరం): ఓటుకు  నోటు వ్యవహారాన్ని, రెండు తెలుగు రాష్ట్రాల మధ్య సమస్యగా చిత్రించేందుకు సీఎం చంద్రబాబు ప్రయత్నిస్తున్నారని వైఎస్సార్సీపీ శాసనసభాపక్ష ఉపనేత జ్యోతుల నెహ్రూ అన్నారు. తూర్పు గోదావరి జిల్లా గోకవరం మండలం రంపయర్రంపాలెంలో కల్తీ కల్లు మృతుల కుటుంబాలను ఆయన సోమవారం పరామర్శించారు. అనంతరం విలేకర్లతో మాట్లాడారు. ఇటీవల తెలంగాణ ఎమ్మెల్సీ ఎన్నికలకు ఎమ్మెల్యేలను కొనుగోలు చేసేందుకు చంద్రబాబు రూ.90 కోట్లు ఖర్చు పెట్టేందుకు సిద్ధపడి,  రాష్ట్రంలో బీద అరుపులు అరుస్తున్నారని ఎద్దేవా చేశారు.