జస్టిస్‌ చిన్నపరెడ్డి మృతికి విజయమ్మ సంతాపం

దేశంలోని అత్యున్నత న్యాయస్థానాలను పేద, అట్టడుగు వర్గాల చేరువకు తీసుకువెళ్ళడంలో ఆయన చేసిన విశేష కృషి ప్రశంసనీయం అన్నారు. సామాజిక, ఆర్థిక కోణాలలో పరిశీలించి న్యాయస్థానాలు స్పందించాలని భావించిన జస్టిస్‌ కృష్ణయ్యర్‌, జస్టిస్‌ భగవతి కోవకు చెందిన వ్యక్తి  చిన్నపరెడ్డి అని శ్రీమతి విజయమ్మ తన సంతాప ప్రకటనలో పేర్కొన్నారు. జస్టిస్‌ చిన్నపరెడ్డి కుటుంబ సభ్యులకు శ్రీమతి విజయమ్మ ప్రగాఢ సానుభూతిని తెలియజేశారు. తెలుగువారందరూ గర్వించదగిన న్యాయకోవిదుడు చిన్నపరెడ్డి మరణం తీరని లోటు అని శ్రీమతి విజయమ్మ నివాళులు అర్పించారు.