దొంగచాటుగా మృతదేహాల తరలింపు..చంద్రబాబుపై నిప్పులు చెరిగిన వైఎస్ జగన్..!

మృతుల కుటుంబాలకు రూ. 10 లక్షల ఎక్స్ గ్రేషియా చెల్లించాలని , గాయపడిన వారికి రూ. లక్ష నుంచి రూ. 2 లక్షలు చెల్లించాలని జగన్ ప్రభుత్వాన్ని డిమాండ్ చేశారు. పుష్కర బాధితులకు ఇచ్చినప్పుడు కూలీలకు ఎందుకు పరిహారం ఇవ్వరని  జగన్ ప్రభుత్వాన్ని ప్రశ్నించారు. ఏపీ జెన్ కో పవర్ ప్లాంట్ నుంచి వెళ్లిన బూడిద లారీలో కూలీలు ఎక్కారని, అలా ఎక్కించుకోవడం అన్యాయమన్నారు. ప్రమాదానికి కారణమైన జెన్ కో కూడా పరిహారం ఇవ్వాలన్నారు. పట్టిసీమ నుంచి పోలవరం..ఇసుక నుంచి మట్టివరకు అంతా అవినీతేనని చంద్రబాబుపై జగన్ ధ్వజమెత్తారు. ఉపాధి పనులు లేకనే కూలీలు వలసలు పోయి బయట పని చేసుకోవాల్సిన దుస్థితి వచ్చిందని జగన్ వాపోయారు. ఉపాధి జరిగే చోట  రూ.30 నుంచి రూ.80 రూపాయలు కూడా గిట్టడం లేదన్నారు. 

తూర్పుగోదావరి జిల్లాకు చెందిన వలసకూలీలు పశ్చిమగోదావరి జిల్లా ఏలూరు వద్ద ఈతెలవారుజామున బూడిద లారీ ఎక్కారు. గండేపల్లి వద్ద అదుపుతప్పిడంతో బోల్తా కొట్టింది. ఈఘటనలో 19 మంది దుర్మరణం చెందగా, పలువురు గాయపడ్డారు.    ప్రమాద ఘటనపై వైఎస్ జగన్ తీవ్ర దిగ్ర్భాంతి వ్యక్తం చేశారు. మృతుల కుటుంబాలకు సంతాపం తెలిపారు. గాయపడిన వారికి మెరుగైన చికిత్స అందించాలని  జగన్ కోరారు.