తాగునీటి కష్టాలు

అనంతపురంః తాడిపత్రి నియోజకవర్గ సమన్వయకర్త కేతిరెడ్డి పెద్దారెడ్డి గడపగడపకు వైయస్ఆర్ కార్యక్రమంలో భాగంగా తాడిపత్రి టౌన్ లోని 3,4 వార్డులలో పర్యటించారు. ఈ సందర్భంగా స్థానికుల సమస్యలు అడిగి తెలుసుకున్నారు. గత కొన్నాళ్లుగా కొళ్లాయిలకు నీళ్లు రావడం లేదని, సమస్యను మున్సిపల్ అధికారులకు విన్నవించినా ఫలితం లేదని కాలనీవాసులు పెద్దారెడ్డికి మొరపెట్టుకున్నారు. మురికినీటితో తమ వీధులు కంపుకొడుతున్నాయని వాపోయారు. కార్యక్రమంలో పార్టీ నాయకులు, కార్యకర్తలు పాల్గొన్నారు.