Ysrcpnettv
YSR Congress Party Twitter YS Jagna Twitter

YSR Congress

Flash News >>>>
             ప్రజలకు ఎన్ని అబద్దాల చెప్పినా వింటారనే నాయకులకు తెలంగాణ ప్రజలు గట్టిగా బుద్ది చెప్పారు : వైయ‌స్ జ‌గ‌న్‌                               లగడపాటి రాజకీయ విశ్లేషకుడు ఎప్పుడు అయ్యాడా? అని ఆశ్చర్యం వేసింది: వైయ‌స్ జ‌గ‌న్‌                               కాంగ్రెస్‌, టీడీపీ జిమ్మిక్కులను ప్రజలను తిప్పికొట్టారు: వైయ‌స్ జ‌గ‌న్‌                               చంద్రబాబు, కాంగ్రెస్ అనైతిక పొత్తుకు ప్రజలు వ్యతిరేకంగా తీర్పు ఇచ్చారు: వైయ‌స్ జ‌గ‌న్                                భస్మాసురుడు చేయి పెట్టినా.. చంద్రబాబు కాలు పెట్టినా అంతా బుడిదే: వైయ‌స్ జ‌గ‌న్‌                               నందగిరి పేట నుంచి వైయ‌స్ జ‌గ‌న్‌ 319వ రోజు ప్రజాసంకల్పయాత్ర ప్రారంభం                               హిందూపురం టీడీపీ మాజీ ఎమ్మెల్యే అబ్దుల్‌ గని వైయ‌స్ఆర్‌సీపీలో చేరిక‌                               ప‌వ‌న్‌కు చిత్త‌శుద్ది ఉంటే చంద్ర‌బాబు అవినీతిపై నిల‌దీయాలి: ఎమ్మెల్యే ఆదిమూల‌పు సురేష్‌                               డాక్టర్ బీఆర్ అంబేద్కర్‌కు వైయ‌స్ జగన్ నివాళులు                 
    Show Latest News
విశాఖ తీరాన ఊకదంపుడు

Published on : 22-Feb-2018 | 10:31
 


ఏటా పెద్ద పండక్కు పిట్టల దొర వస్తాడు. బోలెడు కథలు చెప్పి వెళ్తాడు. చెప్పింది చెప్పకుండా చెప్పి కడుపుబ్బా నవ్విస్తాడు. గంగిరెద్దు మేళం వస్తుంది. డూడూ బసవన్నా అని అదిలించగానే కొమ్ములు ఊపి, గిట్టలు ఎత్తి ఆడి అలరిస్తుంది. అలాగే పగటి వేషగాళ్లు వస్తారు. రంగులు పూసుకుని, అట్టముక్కల ఆయుధాలు పట్టుకుని, రంగు రంగుల కిరీటాలు పెట్టుకుని చెవులకింపైన పద్యాలు పాడి ఆనందం కలుగ జేస్తారు. 

సేమ్ టు సేమ్. అచ్చం అలాగే చంద్రబాబు ఏటా సమ్మిట్ ఏర్పాటు చేస్తాడు. డిటో పిట్టల దొరలాగే ఏటికేడూ లక్షల కోట్ల పెట్టుబడుల కథలు చెబుతాడు. ఒక ఏడాది 1.95 లక్షల కోట్ల పెట్టుబడులు వచ్చేసాయంటాడు. కేవలం అమరావతి కోసమే 1.25 లక్షల పెట్టుబడులకు సంబంధించి ఒప్పందాల మీద ఇంకులేని పెన్నుతో సంతకాలు చేసుకున్నాం అంటాడు. భారతదేశంలో తొలి గ్రీన్ ఫీల్డ్ స్మార్ట్ సిటీ అమరావతి అని పెట్టుబడిదారులకు చెబుతున్నా అంటాడు. పెట్టుబడి కంపెనీలకు అనుమతులు 21రోజుల్లోనే ఇచ్చేస్తామని డప్పు కొట్టి చెబుతుంటాడు. ఇక పర్యాటక శాఖలో అయితే 26 కంపెనీలతో సుమారు 4,659 కోట్ల పెట్టుబడులు సాక్షాత్తూ చంద్రబాబు సమక్షంలోనే జరిగాయని పక్కనున్న వాద్యకారులు తాళాలూ, మద్దెలలూ మోగిస్తూ చెబుతుంటారు. రాష్ట్రంలో 100 హోటళ్లు, 15 హాస్పిటాలిటీ ట్రైనింగ్ అకాడమీల ఏర్పాటుకోసం 2500 కోట్లు పెట్టేందుకు బ్రిటన్ లోని మార్కెటింగ్ సంస్థ ఐవరీశాండ్ సూట్ కేసు చేతిలో పట్టుకుని నిలబడిందని కూడా అన్నారు. 
వృద్ధి రేటు 11 శాతం ఉంది అంటాడు చంద్రబాబు. ఉంది ఉంది అని తలూపుతారు బసవళ్లలాంటి మంత్రులు. వృద్ధి రేటు 14కు పెంచుతా అంటాడు బాబు. రెండు చేతులు పైకెత్తి చప్పట్లు కొడతారు భజన బృందాల వాళ్లు. 666 బి టు బి ఒప్పందాలు ఖరారు అంటాడు బాబు. అవును అవునని మెళ్లో గజ్జలు మోగేలా తలలూపుతారు అధికారులు. 
ఇక కోట్ల లెక్కలు కరతలామలకంలా చెప్పి గుక్కతిప్పుకోకుండా చేయగల అవధానులు రంగంలోకి దిగుతారు. 
తొలి రోజు ఒప్పందాల ద్వారా రాష్ట్రానికి 1.95లక్షల కోట్ల పెట్టుబడులు రానున్నాయి. భారత్ ఫోర్జ్, రిలయన్స్ వంటి ప్రపంచ పారిశ్రామిక దిగ్గజాలు ఎమ్.వో.యులు కుదుర్చుకున్నాయి. సాని గ్రూప్, కేపీసీఎల్, సుజ్లాన్ ఎనర్జీ అండ్ యాక్సివిండ్ ఎనర్జీ, క్వీన్స్ లాండ్స్ కోల్ కార్ప్ ఇలా వందలాది కంపెనీలు లక్షల కోట్ల పెట్టుబడులు తెస్తున్నాయి. ఇక విశాఖ నుంచి తుని వరకూ తీరాన్ని అభివృద్ధి చేసేందుకు కూడా ఎం.వో.యులు కుదిర్చేసుకున్నాం. 15వేల కోట్లు పెట్టుబడితో తీరాన్ని అభివృద్ధి చేసుందుకు సిద్ధం చేసాం. సముద్ర తీరాన్ని అత్యాధునికంగా అభివృద్ధి చేయడంతోపాటు, నేవీకి సంబంధించిన షిప్స్, సబ్ మెరైన్స్, ఎయిర్ క్రాఫ్ట్ క్వారియర్స్ను రూపొందించడానికి కూడా పెట్టుబడులు సంపాదించాం.
ఓరి నాయనో చెవులు తిరుగుతున్నాయి అపండిరా బాబూ! అన్నా వినకుండా చెప్పేస్తున్న వాళ్ల నుంచి జనాలు దూరంగా పారిపోయారు. అదిగో ఆ తర్వాత మళ్లీ ఇప్పుడు మరో సారి విశాఖలో దరువు మళ్లీ మొదలైంది. 
 
Labels : YSRCP, YS Jagan, NCBN,TDP,
Home  |  News  |  Downloads  |  Gallery  |  Contact Us  |   Sitemap  

Official Website of YSR Congress Party
Copyright © 2011 ysrcongress.com