మోసం చేయడం చంద్రబాబు నైజం..
చిత్తూరు: ఎన్నిక‌ల్లో హామీలు ఇవ్వ‌డం, ఆ త‌రువాత ప్రజలను మోసం చేయడం చంద్రబాబు నైజ‌మ‌ని మాజీ మంత్రి పెద్దిరెడ్డి రామచంద్రారెడ్డి విమ‌ర్శించారు. ఇచ్చిన మాటకు కట్టుబడి హామీలు అమలు చేయడం వైయస్ జగన్ గుణమ‌ని పేర్కొన్నారు. పుంగనూరు నియోజకవర్గంలో గురువారం `బాబు ష్యూరిటీ..మోసం గ్యారెంటీ` కార్యక్రమం పెద్దిరెడ్డి అధ్య‌క్ష‌త‌న నిర్వ‌హించారు. ఈ కార్య‌క్ర‌మానికి ముఖ్య అతిథిగా పార్టీ జిల్లా అధ్య‌క్షుడు భూమన క‌రుణాక‌ర్‌రెడ్డి హాజ‌రై `రీకాలింగ్ బాబూస్ మేనిఫెస్టో` కార్య‌క్ర‌మంపై పార్టీ శ్రేణుల‌కు దిశానిర్దేశం చేశారు. పెద్దిరెడ్డి రామచంద్రారెడ్డి ,భూమన కరుణాకరరెడ్డి, ఎమ్మెల్యే ద్వారక నాథ్ రెడ్డి, మాజీ ఎంపీ రెడ్డప్ప, నాయ‌కులు భాస్కర్ రెడ్డి, పుంగనూరు ఎంపీపీ , అలీమ్, పుంగనూరు మున్సిపల్ చైర్మన్, రొంపిచర్ల ఎంపీపీ చిచ్చిలి పురుషోత్తం రెడ్డి, త‌దిత‌రులు చంద్రబాబు రీ కాలింగ్ మానిఫెస్టో క్యూఆర్ కోడ్ పోస్టర్ ఆవిష్కరించారు. ఈ సంద‌ర్భంగా వైయ‌స్ఆర్‌సీపీ నేత‌లు ప్ర‌సంగించారు.
పెద్దిరెడ్డి రామచంద్రారెడ్డి కామెంట్స్ :
- చంద్రబాబు సూపర్ సిక్స్ హామీలతో మోసం చేశాడు
- చెప్పిన హామీలు అమలు చేయమ‌ని ప్ర‌శ్నిస్తుంటే ప్ర‌తిప‌క్ష నాయ‌కుల‌ను జైల్లో వేస్తున్నాడు
- ఇచ్చిన హామీలు అమలు చేశాన‌ని చంద్రబాబు అహంకారంతో మాట్లాడుతున్నాడు.
- ఎన్టీఆర్‌ను వెన్నుపోటు పొడిచి అధికారంలోకి వ‌చ్చిన చంద్రబాబు నాడు మద్య‌పాన నిషేధం ఎత్తేశాడు
- 2014 లో రైతులు రుణమాఫీ పేరుతో మోసం చేశాడు
- ఆ రోజు వైయస్ జగన్ మోహన్ రెడ్డి నీలా అబద్ధపు హామీ ఇవ్వలేదు
- ఆర్థికంగా ఎన్ని సమస్యలు ఉన్నా.. ఇచ్చిన హామీలు అమలుచేసిన నాయకుడు వైయస్ జగన్
- అన్నివర్గాల ప్రజలు మోసం చేయడం చంద్రబాబు నైజం, ఇచ్చిన మాటకు కట్టుబడి హామీలు అమలు చేయడం మన నాయకుడు నైజం
- రాష్ట్రంలో ప్రతి రైతు ఇబ్బందులు పడుతున్నాడు, మిర్చి, మామిడి, పొగాకు రైతులు కష్టాలు ఎదుర్కొంటున్నాడు
- ఆసియా ఖండంలో చిత్తూరు జిల్లాలోనే మామిడి పంట ఎక్కువగా పండిస్తున్నారు
- నా చిన్న‌త‌నంలో కూడా మామిడికి కిలో రెండు రూపాయలు ధ‌ర లేదు. ఇంత తక్కువ రేటు ఎప్పుడు లేదు
- మంత్రి అచ్చెన్నాయుడు చెప్పేవ‌న్నీ అబద్దలే..సిగ్గులేదా అని అడుగుతున్నా
- బాబు ష్యూరిటీ మోసం గ్యారంటీ జిల్లా వ్యాప్తంగా నిర్వహిస్తున్నాం, నియోజకవర్గంలో ప్ర‌తిష్టాత్మ‌కంగా నిర్వహించాలి.
- ఆ తర్వాత మండల స్థాయిలో మండల అధ్యక్షులు ఆద్వర్యంలో ఈ కార్యక్రమం నిర్వహిస్తాం
- గ్రామ గ్రామాన ఈ కార్యక్రమం ప్రజల వద్దకు తీసుకు వెళ్ళాలి
భూమన కరుణాకరరెడ్డి కామెంట్స్..
- పెద్దిరెడ్డి రామచంద్రారెడ్డి అంటేనే ఒక ధైర్యం, ఒక స్థైర్యం
- విద్యార్థి దశ నుంచి యూనివర్సిటీ రాజకీయాల నుంచి రామచంద్రారెడ్డితో పరిచయం ఉంది
- రామచంద్రారెడ్డికి ఎన్ని పేర్లు ఉన్నాయో తెలుసా..
- మొదటిగా కాలేజీ రోజులు 1975 లో మీసాల రామచంద్రారెడ్డి, 1980 లో బుల్లెట్ రామ చంద్రా రెడ్డి, జనతా రామ చంద్రారెడ్డి, పీలేరు రామచంద్ర రెడ్డి, పుంగనూరు రామచంద్ర రెడ్డి, ఇప్పుడు పెద్దాయన అని అభిమానం గా పిలుస్తున్నారు
- స్వయం కృషి తో ఎదిగిన నాయకుడు పెద్దిరెడ్డి రామచంద్రారెడ్డి
- రామచంద్రారెడ్డి అంటే పట్టుదల , ధైర్యానికి గల వ్యక్తి
- చంద్రబాబు ఎన్నిక‌ల్లో సూపర్ సిక్స్ హామీలు, 143 హామీలు ఇచ్చి అధికారంలోకి వ‌చ్చాక ఏ ఒక్క‌టి అమలు చేయడం లేదు
- 85 లక్షలు మందికి తల్లికి వందనం ఇవ్వాలి..50 లక్షలు మందికి ఇచ్చారు, 33 లక్షలు మందికి ఎగనామం పెట్టారు
- ఆగస్టు నుంచి ఉచిత బస్సు ప్రయాణం జిల్లాకే పరిమితం అంటున్నారు
- రెండు లక్షలు యాభై వేల కోట్ల రూపాయలు ఇస్తామని చెప్పి మోసం చేశారు చంద్రబాబు
- బంగారుపాళ్యం మార్కెట్ యార్డు పర్యటనకు వేలాది మంది పోలీసుల‌తో వలయం సృష్టించారు
- కొండలు, తుప్పలు దాటుకుని వైయస్ జగన్ మోహన్ రెడ్డి పర్యటన కు వచ్చారు
- చంద్రబాబు చేస్తున్న ద్రోహాన్ని, మోసాన్ని తెలుసుకుని వైయస్ జగన్ మోహన్ రెడ్డి సభ కు ప్రజలు భారీ గా తరలి వచ్చారు
- వైయ‌స్ఆర్ కాంగ్రెస్ పార్టీని దండు పాల్యం బ్యాచ్ అంటున్నారు ..టిడిపి వాళ్ళు వేద పండితులా..?
- ఎల్లో మీడియా టివి5, ఏబీఎన్ లు భృగు మహర్షి, కశ్యప మహర్షి లా..?
- వైయస్ జగన్ మోహన్ రెడ్డి పర్యటనతో చిత్తూరు జిల్లా వైయ‌స్ఆర్ కాంగ్రెస్ పార్టీ సత్తా, బలం ఏంటో తెలిపింది, రామచంద్ర రెడ్డి బలం ఏమిటి అని తెలిసింది
- ఏడాదిగా ప్రభుత్వం పేద ప్రజలను మోసం చేసింది, చంద్రబాబు గుండెల్లో రైళ్లు పరిగెడుతున్నాయి
- చంద్రబాబు, పవన్ కళ్యాణ్ పెట్టిన సంతకం హామీలు, మోసాలు అన్ని ప్రజలు తెలియాలి
- ప్రతి మండలం లో సమావేశం నిర్వహించాలి