వైయస్సార్సీపీ ఎంపీల ఆందోళన

న్యూఢిల్లీః ప్రత్యేకహోదా సాధనే ధ్యేయంగా వైయస్సార్సీపీ అలుపెరగకుండా పోరాటం కొనసాగిస్తోంది. ఏపీకి ప్రత్యేకహోదా ప్రకటించాలని డిమాండ్ చేస్తూ పార్లమెంట్ లో వైయస్సార్సీపీ ఎంపీలు మొక్కవోని దీక్షతో ఉద్యమిస్తున్నారు. ప్రత్యేకహోదా ఏపీ ప్రజల హక్కు నినాదంతో వారం రోజులుగా పట్టువదలని విక్రమార్కుల్లా లోక్ సభలో పోరాటం కొనసాగిస్తున్న ఎంపీలు...నేడు మరోసారి నిరసన చేపట్టారు. తక్షణమే ఏపీకి ప్రత్యేకహోదా ప్రకటన చేయాలంటూ ఎంపీలు స్పీకర్ వెల్ లోకి దూసుకెళ్లి సభను స్తంభింపజేస్తున్నారు.