కొండా లక్ష్మణ్‌ బాపూజీకి విజయమ్మ నివాళి

హైదరాబాద్, 21 సెప్టెంబర్‌ 2012: అస్వస్థతలో శుక్రవారం ఉదయం తుది శ్వాస విడిచిన ప్రముఖ స్వాతంత్ర్య సమరయోధుడు కొండా లక్ష్మణ్‌ బాపూజీకి వైయస్ఆర్ కాంగ్రెస్ పార్టీ గౌరవ అధ్యక్షురాలు వైయస్ విజయమ్మ నివాళులు అర్పించారు. హైదరాబాద్‌లోని పద్మశాలి భవన్‌లో ఉంచిన బాపూజీ పార్థివదేహాన్ని సందర్శించిన విజయమ్మ పూలమాల వేసి, శ్రద్ధాంజలి ఘటించారు. అనంతరం ఆమె బాపూజీ కుటుంబ సభ్యులను పరామర్శించి, ఓదార్చారు. బాపూజీ నిబద్ధత కలిగిన రాజకీయవేత్త అని విజయమ్మ నివాళులు అర్పించారు. తెలంగాణ ప్రాంత ప్రజల సంక్షేమం కోసం ఆయన తన జీవితాన్ని ధారపోశారని అన్నారు.