కిడ్నీ బాధితుడికి అండగా నిలిచిన షర్మిల

బెల్లంకొండ (గుంటూరు జిల్లా), 2 మార్చి 2013: రెండు కిడ్నీలూ పాడైపోయి పుట్టెడు దుఃఖంలో ఉన్న ఒక రోగికి శ్రీమతి షర్మిల అండగా ఉంటామంటూ ముందుకు వచ్చారు. గుంటూరు జిల్లా బెల్లంకొండ మండలానికి చెందిన నారుమళ్ళ శ్రీనివాస్‌కు రెండు కిడ్నీలూ పాడుపోయాయి. కిడ్నీ ఇచ్చేందుకు ఎవరూ ముందుకు రాకపోవడంతో శ్రీనివాస్‌ భార్య భాగ్యలక్ష్మి తన కిడ్నీ ఇవ్వాలని నిర్ణయించుకుంది. అయితే, కిడ్నీ మార్పిడికి కనీసం రూ. 5 లక్షలు ఖర్చవుతుందంటూ వైద్యులు చెప్పారు. తమకు ఉన్న కొద్దిపాటి పొలాన్ని అమ్మేసినా వారు అంత సొమ్మును కూడబెట్టలేకపోయారు. దీనితో ఏమి చేయాలో తోచని స్థితిలో ఆందోళన చెందుతున్నారు. మరో ప్రజాప్రస్థానం పాదయాత్రలో తమ మండలానికి వచ్చిన శ్రీమతి షర్మిలను శ్రీనివాస్‌ దంపతులు శనివారం కలుసుకున్నారు. తమ ఇబ్బందులు చెప్పుకుని విలపించారు.