ప్ర‌త్యేక హోదా వ‌చ్చేదాకా ఉద్య‌మం

విశాఖ‌: ఆంధ్ర‌ప్ర‌దేశ్ కు ప్ర‌త్యేక హోదా వ‌చ్చే వ‌ర‌కు ఉద్య‌మిద్దామ‌ని వైయ‌స్ఆర్ కాంగ్రెస్ పార్టీ విశాఖ జిల్లా అధ్య‌క్షుడు గుడివాడ అమ‌ర్‌నాథ్ పిలుపునిచ్చారు. శుక్ర‌వారం విశాఖ‌లో నిర్వ‌హించిన ఆంధ్రుల హ‌క్కుల ఆత్మ‌గౌర‌వ దీక్ష‌కు ఆయ‌న మ‌ద్ద‌తు ప్ర‌క‌టించారు. ఈ సంద‌ర్భంగా అమ‌ర్‌నాథ్ మాట్లాడుతూ..ఎన్నిక‌ల ముందు ప‌దిహేనేళ్లు ప్ర‌త్యేక హోదా కావాల‌ని డిమాండ్ చేసిన చంద్ర‌బాబు అధికారంలోకి వ‌చ్చాక మాట త‌ప్పార‌ని మండిప‌డ్డారు. కేంద్రం విభ‌జ‌న చ‌ట్టంలోని హామీల‌ను నీరుగార్చింద‌న్నారు. హోదా సాధ‌న‌కు వైయ‌స్ఆర్‌సీపీ అధ్య‌క్షులు, ఏపీ ప్ర‌తిప‌క్ష నేత వైయ‌స్ జ‌గ‌న్‌మోహ‌న్‌రెడ్డి అలుపెర‌గ‌ని పోరాటం చేస్తున్నార‌ని చెప్పారు. ఈ దీక్ష‌లో వైయ‌స్ఆర్‌సీపీ  విశాఖ తూర్పు నియోజకవర్గం కన్వీనర్ వంశీకృష్ణ‌ శ్రీనివాస్‌, కోలా గురువులు , తిప్పల నాగిరెడ్డి , కొయ్య ప్రసాద్ రెడ్డి  ,హనోకు, పార్టీ ముఖ్య నాయకులు పాల్గొన్నారు.