సీఎం వైయ‌స్ జ‌గ‌న్ మోహన్ రెడ్డి టీమ్

08 Jun 2019 9:32 AM

మంత్రివ‌ర్గంలో అన్ని వ‌ర్గాలకు స‌మ న్యాయం

బీసీల‌కు పెద్ద పీట‌

అమ‌రావ‌తి: ఆంధ్ర‌ప్ర‌దేశ్‌లో నూత‌న మంత్రి వ‌ర్గం కూర్పు పూర్తి అయ్యింది. మంత్రివర్గ ఏర్పాటుపై ఆంధ్రప్రదేశ్‌ ముఖ్యమంత్రి వైయ‌స్‌ జగన్‌మోహన్‌రెడ్డి సంచలన నిర్ణయం తీసుకున్నారు. ఏకంగా అయిదుగురిని డిప్యూటీ సీఎంలుగా చేయాలని నిర్ణయించారు. ఇందులో ఎస్సీ, ఎస్టీ, బీసీ, మైనార్టీ, కాపులకు అవకాశం కల్పించారు. ఇది దేశ రాజకీయాల్లో కొత్త అధ్యాయం. బడుగు, బలహీన వర్గాలకు చెందిన అందరికీ ప్రాతినిధ్యం కల్పించాలన్న లక్ష్యంతో అయిదుగురికి ఉప ముఖ్యమంత్రి హోదా కల్పించడం చరిత్రలో ఇదే తొలిసారి. సామాజిక వర్గాలవారిగా సమ ప్రాధాన్యత కల్పించే కీలక నిర్ణయం పట్ల సర్వత్రా హర్షాతిరేకాలు వ్యక్తం అవుతున్నాయి. మొత‍్తం 25మందితో పూర్తిస్థాయి మంత్రివర్గం ఏర్పాటు చేశారు . కేబినెట్‌లో సగం మంది ఎస్సీ, ఎస్టీ, బీసీ, మైనార్టీలకు స్థానం కల్పించారు. మంత్రివ‌ర్గంలో 8 మంది బీసీలు, ఐదుగురు ఎస్సీలు, న‌లుగురు కాపులు, నలుగురు రెడ్డి సామాజిక వ‌ర్గం నుంచి,ఎస్టీ, మైనారిటీ, క‌మ్మ‌, క్ష‌త్రియ‌, వైశ్య సామాజిక వ‌ర్గాల‌కు ఒక్కొక్క‌రు చొప్పున చోటు ద‌క్కింది.

మంత్రివ‌ర్గంలో చోటు ద‌క్కించుకున్న వారి వివ‌రాలు ఇలా..

శ్రీకాకుళం

ధర్మాన కృష్ణదాస్‌
నియోజకవర్గం: నరసన్నపేట
వయస్సు: 64
విద్యార్హత: బీకాం
రాజకీయ అనుభవం: మూడుసార్లు ఎమ్మెల్యేగా ఎన్నిక. ప్రస్తుతం రాష్ట్ర ఒలింపిక్‌ సంఘం అధ్యక్షుడిగా పనిచేస్తున్నారు.

విజయనగరం

బొత్స సత్యనారాయణ
నియోజకవర్గం: చీపురుపల్లి
వయస్సు: 61
విద్యార్హత: బీఏ
రాజకీయ అనుభవం: నాలుగుసార్లు ఎమ్మెల్యేగా, ఒకసారి ఎంపీగా గెలుపొందారు. వైఎస్‌, కిరణ్‌కుమార్‌రెడ్డి మంత్రివర్గంలో పనిచేశారు. ఉమ్మడి రాష్ట్రంలో పీసీసీ అధ్యక్షుడిగానూ పనిచేశారు.

పాముల పుష్ప శ్రీవాణి
నియోజకవర్గం: కురుపాం
వయస్సు: 31
విద్యార్హత: బీఎస్సీ
రాజకీయ అనుభవం: రెండుసార్లు ఎమ్మెల్యేగా గెలుపొందారు.

విశాఖపట్నం

ముత్తంశెట్టి శ్రీనివాసరావు(అవంతి శ్రీనివాస్)

నియోజకవర్గం: భీమిలి
వయస్సు: 52
విద్యార్హత: ఇంటర్మీడియెట్
రాజకీయ అనుభవం: ఒకసారి ఎంపీ, రెండుసార్లు ఎమ్మెల్యే

తూర్పుగోదావరి

పిల్లి సుభాష్‌ చంద్రబోస్‌
నియోజకవర్గం: మండపేట
వయస్సు: 69
విద్యార్హత: బీఎస్సీ
రాజకీయ అనుభవం: మూడుసార్లు ఎమ్మెల్యే, వైఎస్‌ హయాంలో మంత్రిగా పనిచేశారు.

పినిపె విశ్వరూప్‌
నియోజకవర్గం: అమలాపురం
వయస్సు: 55
విద్యార్హత: బీఎస్సీ, బీఈడీ
రాజకీయ అనుభవం: రెండు సార్లు ఎమ్మెల్యే. వైఎస్‌, కిరణ్‌కుమార్‌రెడ్డి మంత్రివర్గంలో పనిచేశారు.

కురసాల కన్నబాబు
నియోజకవర్గం: కాకినాడ రూరల్‌
వయస్సు: 46
విద్యార్హత: బీకాం, ఎంఏ
రాజకీయ అనుభవం: రెండుసార్లు ఎమ్మెల్యేగా విజయం సాధించారు. ప్రజారాజ్యంలో కీలక నేతగా పనిచేశారు.

పశ్చిమగోదావరి

తానేటి వనిత
నియోజకవర్గం: కొవ్వూరు
వయస్సు: 45
విద్యార్హత: ఎమ్మెస్సీ
రాజకీయ అనుభవం: రెండుసార్లు ఎమ్మెల్యేగా విజయం సాధించారు.

చెరుకువాడ శ్రీరంగనాథరాజు
నియోజకవర్గం: ఆచంట
వయస్సు: 66
విద్యార్హత: ఇంటర్మీడియట్
రాజకీయ అనుభవం: రెండుసార్లు ఎమ్మెల్యేగా విజయం సాధించారు.

ఆళ్ల కాళీకృష్ణ శ్రీనివాస్‌ (నాని)
నియోజకవర్గం: ఏలూరు
వయస్సు: 49
విద్యార్హత: బీకాం
రాజకీయ అనుభవం: నాలుగు సార్లు ఎమ్మెల్యేగా విజయం. కాంగ్రెస్‌లో వివిధ స్థాయిల్లో పనిచేశారు.

కృష్ణా

కొడాలి నాని
నియోజకవర్గం: గుడివాడ
వయస్సు: 47
విద్యార్హత: పదో తరగతి
రాజకీయ అనుభవం: నాలుగు సార్లు ఎమ్మెల్యేగా విజయం సాధించారు.

వెల్లంపల్లి శ్రీనివాస్‌
నియోజకవర్గం: విజయవాడ (పశ్చిమ)
వయస్సు: 48
విద్యార్హత: పదో తరగతి
రాజకీయ అనుభవం: రెండు సార్లు ఎమ్మెల్యేగా విజయం. ప్రజారాజ్యం, కాంగ్రెస్‌, భాజపాలో పనిచేశారు.

పేర్ని వెంకట్రామయ్య (నాని)
నియోజకవర్గం: మచిలీపట్నం
వయస్సు: 49
విద్యార్హత: బీకాం
రాజకీయ అనుభవం: రెండుసార్లు ఎమ్మెల్యేగా గెలుపొందారు. కిరణ్‌కుమార్‌రెడ్డి ప్రభుత్వంలో ప్రభుత్వ విప్‌గా పనిచేశారు.

గుంటూరు

మేకతోటి సుచరిత
నియోజకవర్గం: ప్రత్తిపాడు
వయస్సు: 41
విద్యార్హత: బీఏ
రాజకీయ అనుభవం: మూడుసార్లు ఎమ్మెల్యేగా గెలుపొందారు.

మోపిదేవి వెంకటరమణ
నియోజకవర్గం: రేపల్లె
వయస్సు: 55 సంవత్సరాలు
విద్యార్హత: బీకాం
రాజకీయ అనుభవం: మూడు సార్లు ఎమ్మెల్యేగా విజయం సాధించారు. వైఎస్‌, రోశయ్య, కిరణ్‌కుమార్‌ రెడ్డి హయాంలో మంత్రిగా పనిచేశారు.

ప్రకాశం

బాలినేని శ్రీనివాసరెడ్డి
నియోజకవర్గం: ఒంగోలు
వయస్సు: 55
విద్యార్హత: ఇంటర్మీడియెట్‌
రాజకీయ అనుభవం: ఐదుసార్లు ఎమ్మెల్యే, వైఎస్ హయాంలో మంత్రిగా పనిచేశారు.

ఆదిమూలపు సురేశ్‌
నియోజకవర్గం: ఎర్రగొండపాలెం
వయస్సు: 45
విద్యార్హత: ఐఆర్‌ఎస్‌
రాజకీయ అనుభవం: మూడుసార్లు ఎమ్మెల్యేగా విజయం సాధించారు. పీఏసీ సభ్యుడిగా, వైకాపా రాష్ట్ర అధికార ప్రతినిధిగా పనిచేశారు.

నెల్లూరు

మేకపాటి గౌతమ్‌రెడ్డి
నియోజకవర్గం: ఆత్మకూరు
వయస్సు: 45
విద్యార్హత: ఎమ్మెస్సీ (టెక్స్‌టైల్స్‌)
రాజకీయ అనుభవం: రెండు సార్లు ఎమ్మెల్యేగా విజయం సాధించారు.

అనిల్‌కుమార్‌ యాదవ్‌
నియోజకవర్గం: నెల్లూరు సిటీ
వయస్సు: 39
విద్యార్హత: బీడీఎస్‌
రాజకీయ అనుభవం: ఒకసారి కార్పొరేటర్‌గా.. రెండు సార్లు ఎమ్మెల్యేగా విజయం సాధించారు

కర్నూలు

బుగ్గన రాజేంద్రనాథ్‌రెడ్డి
నియోజకవర్గం: డోన్‌
వయస్సు: 47
విద్యార్హత: బీఈ
రాజకీయ అనుభవం: రెండుసార్లు ఎమ్మెల్యేగా విజయం. పీఏసీ ఛైర్మన్‌గానూ పనిచేశారు.

గుమ్మనూరు జయరాం
నియోజకవర్గం: ఆలూరు
వయస్సు: 51
విద్యార్హత: పదోతరగతి
రాజకీయ అనుభవం: జడ్పీటీసీ సభ్యుడిగా పనిచేశారు. రెండుసార్లు ఎమ్మెల్యేగా విజయం సాధించారు.

చిత్తూరు

పెద్దిరెడ్డి రామచంద్రారెడ్డి
నియోజకవర్గం: పుంగనూరు
వయస్సు: 67
విద్యార్హత: ఎంఏ, పీహెచ్‌డీ (సోషియాలజీ)
రాజకీయ అనుభవం: ఆరు సార్లు ఎమ్మెల్యే, వైఎస్ రాజశేఖరరెడ్డి హయాంలో మంత్రి.