నెల్లూరు: నేను సచ్ఛీలుడినని సీబీఐ తేల్చింది..మీ సచ్ఛీలతను నిరూపించుకోండి చంద్ర బాబూ..! అంటూ రాష్ట్ర వ్యవసాయ శాఖ మంత్రి కాకాణి గోవర్ధన్‌ రెడ్డి సవాల్ విసిరారు. ఆదివారం రాష్ట్ర వ్యవసాయ శాఖ మంత్రి కాకాణి గోవర్ధన్‌ రెడ్డి మీడియాతో మాట్లాడారు. *నా పాత్ర లేదని నేను ఆనాడే చెప్పాను..సీబీఐ విచారణలో అదే రుజువైంది:* – నెల్లూరు కోర్టులో జరిగిన దొంగతనంపై సోమిరెడ్డి చంద్రమోహన్‌రెడ్డి నా మీద పెట్టిన కేసులో వాస్తవాలు వెలుగులోకి వచ్చాయి. ఆనాడు పత్రాలు మాయం అయిన కేసులో ఎస్పీ విజయారావు విచారణ చేసి దోషులను గుర్తించారు. – ఆ తర్వాత నా మీద దాడి ప్రారంభం అయ్యింది..సాక్షాలు తారుమారు చేసి కేసు నుంచి తప్పించుకోవాలని చూస్తున్నారంటూ మాట్లాడారు. – ఒకడుగు మందుకు వేసి దీన్ని గోవర్ధన్‌రెడ్డే చేశాడని ఆరోపిస్తూ సోమిరెడ్డి దానిపై ఎంత శిక్ష పడుతుందో కూడా చెప్పేశాడు. జడ్జిగారి కంటే ముందు ట్రైల్‌ స్పీడ్‌గా పూర్తి చేశాడు. – ఆనాడే మాకు సంబంధం లేదని స్పష్టం చేశాం. హైకోర్టు ఈ కేసును సుమోటోగా స్వీకరించింది. – అందరితో పాటు నాకు కూడా నోటీసులు ఇచ్చింది. సీబీఐకి అప్పగించడానికి మీకేమైనా అభ్యంతరాలున్నాయా అని అడిగారు. – చాలా మంది నేను ప్రతిఘటిస్తానని అనుకున్నారు. కానీ నోటీసు ఇచ్చిన రోజే వెంటనే మా న్యాయవాది మేం సీబీఐ విచారణకు సిద్ధంగా ఉన్నామని చెప్పాం. – ప్రభుత్వం నుంచి అడ్వకేట్‌ జనరల్‌ గారు కూడా విచారణకు అభ్యంతరం లేదని చెప్పారు. – విచారణను ఈ దొంగతనం ఒక్కటే చేయాలా..మొత్తం కేసు మీద చేయాలా అని కూడా అడిగారు. – మొత్తం కేసు మీద విచారణ చేస్తామన్నా అభ్యంతరం లేదని తేలియజేశాం. – కోర్టులో ఫైళ్లు మాయమయిన వరకే కేసును పరిమితం చేస్తూ హైకోర్టు సీబీఐకి అప్పగించారు. – వాళ్లు నన్ను ఒక్క సారి విచారణ చేశారు..కానీ దోషి కంటే ఎక్కువగా సోమిరెడ్డి వారి చుట్టూ తిరిగాడు. – బయటకు రావడం..ఇక గోవర్ధన్‌ రెడ్డి తప్పించుకోలేడు అంటూ మీడియాతో చెప్పుకొచ్చాడు. – ఏడాది కాలం పాటు విచారణ సాగింది. అన్ని విషయాలు సేకరించారు..అందర్నీ విచారించారు. – వాళ్లు చేసిన విచారణ చూస్తే అన్ని కోణాల్లో విచారణ జరిపారు. మీడియాలో వచ్చిన వార్తల్లో వచ్చిన ఆరోపణలపై కూడా వారు విచారణ జరిపారు. – 88 మంది సాక్షుల స్టేట్‌మెంట్లను నమోదు చేశారు. అనాడు ఎస్పీ విజయారావు గారు గుర్తించిన నిందితులు ఇద్దరినే సీబీఐ కూడా దోషులుగా నిర్ధారించారు. – పోలీసుల విచారణలో కూడా ఎక్కడా లోపాలు జరగలేదని కూడా వారు స్పష్టంగా చెప్పారు. – నా పాత్ర లేదని నేను చెప్పుకునే కన్నా దేశంలో అత్యున్నత విచారణ సంస్థ సీబీఐ చెప్పింది. – చంద్రమోహన్‌ రెడ్డి కొన్ని ఆరోపణలు చేశాడు..వాటిని కూడా విచారణ చేశాం..నిందితులకు, గోవర్ధన్‌రెడ్డి అసలు సంబంధాలు లేవని చెప్పారు. *నీపై ఉన్న కేసుల్లో సీబీఐ విచారణ కోరగలవా చంద్రబాబూ..?:* – సోమిరెడ్డిని నేను పెద్దగా పట్టించుకోను కానీ...పద్నాగేళ్లు ముఖ్యమంత్రిగా చేసిన చంద్రబాబు నాపై నిందలు వేస్తూ అనేక బహిరంగ సభల్లో మాట్లాడారు. – బురదజల్లేద్దాం..అతనే కడుక్కుంటాడు అన్నట్లుగా మాట్లాడిన చంద్రబాబు లాంటి వారి మాటలకు విలువ ఉందా? –నేను చంద్రబాబును అడుగుతున్నా...ఇక నువ్వు మాట్లాడే మాటల్లో విలువ ఉంటుందా? – నేను చాలా సార్లు చెప్పా..నేను సీబీఐ విచారణకు అంగీకరించా..నీకు దమ్ము ధైర్యం ఉంటే నీ మీద ఉన్న కేసుల్లో సీబీఐ విచారణకు సిద్ధమా? – ఇన్నర్‌ రింగ్‌ రోడ్డు నుంచి స్కిల్‌ కేసు, ఇన్‌సైడర్‌ ట్రేడింగ్, మద్యం కుంభకోణం వంటి వాటిలో నీ పాత్ర లేదంటూ వాటిపై సీబీఐ విచారణకు సిద్ధమా? – ఆయనకు ధైర్యం లేదు..కోర్టులకు వెళ్లి వాటిని అపుకున్నది అందరూ చూశారు. – నేను అవినీతి పరుడ్ని కాదు..నేను సీబీఐ విచారణకు సిద్ధపడ్డానని చంద్రబాబు చెప్పగలడా? – చంద్రబాబు మాట్లాడింది అబద్దం..వారి మీడియాలో వచ్చింది అబద్ధం..ఇవన్నీ అబద్ధాలు అయినప్పుడు నీ నోటి నుంచి వచ్చే ఏ మాటకైనా విలువ ఉంటుందా? – నీ కొడుకు వయసెంత..నా వయసెంత..? అతను ఎక్కడకు వెళ్లినా కోర్టు దొంగ కాకాణి అని మాట్లాడాడు. – అబ్బాకొడుకులు రెండేళ్లుగా నాపై మాట్లాడారే..ఈ రోజు నా పాత్ర లేదని తేలింది..మీరేం సమాధానం చెప్తారు? – మీకు మీరు క్షమాపణలు చెప్పుకోవాల్సిన పరిస్థితి. నేను మీలాంటి వాళ్ల వద్ద క్షమాపణలు కోరుకోను. – అనేక వేదికలపై..అనేక సభల్లో మీరు మాట్లాడిన మాటలకు ఈ రోజు ఏం సమాధానం చెప్తారు? – రాష్ట్ర పోలీసుల వ్యవస్థపై నమ్మకం లేదు..సీబీఐ విచారణ చేయాలి అని అడిగావు. – మీరు ఏ వ్యవస్థపైనైతే నమ్మకం లేదు అన్నావో..విచ్చలవిడిగా ఏ పోలీసులపైనైతే మీరు నోరు పారేసుకుంటున్నారో వాళ్లు దోషులుగా గుర్తించిన వారినే సీబీఐ కూడా దోషులుగా గుర్తించింది. – మీరు తప్పు పట్టిన పోలీసు వ్యవస్థ ఎక్కడా ప్రలోభాలకు లొంగకుండా పారదర్శకంగా పనిచేస్తుందనడానికి ఈ కేసు నిదర్శనం కాదా? – దీనికి సబంధించి సీపీఐ రామకృష్ణ గారు కూడా అవహేళనగా మాట్లాడారు. వాస్తవాలు తెలుసుకోలేదు. – మంత్రిపై దుమ్మెత్తిపోస్తే పతాక శీర్షికల్లో వార్తలు వస్తాయని వారు అనుకున్నారు? – మీరు చేసే ఆరోపణల్లో పసలేదు..అసత్యాలు..అబద్ధాలు అనేది ప్రజలకు అర్ధమైంది. – మీరు మా మీద, ప్రభుత్వం, పోలీసులు, వైఎస్సార్సీపీపై చేసిన ఆరోపణలను పక్కన పెట్టి మీ మీద వచ్చిన ఆరోపణలపై సీబీఐ విచారణకు సిద్ధమా? – నా మీద విచారణ పూరై్తంది..చార్జ్‌షీటు ఫైలయ్యింది..నా పాత్ర లేదని నిర్ధారణ అయ్యింది. *హుందాతనం కోల్పోయి, నీచానికి దిగజారి మాట్లాడిన బజారు వ్యక్తి చంద్రబాబు:* – రేపు ఎన్నికల్లో మీరు గెలవాలనుకుంటే..ప్రజల విశ్వాసం చూరగొనాలి అనుకుంటే మీ మీద వచ్చిన అభియోగాల్లో ఒకదానిపైనైనా మీరు విచారణకు సిద్ధమా? 24 గంటల్లో స్పందిస్తే బాగుంటుంది. – కానీ చంద్రబాబు స్పందించడు..ఏ చాలెంజ్‌ విసిరినా ఊరకుక్కలు, వీధి కుక్కలతో మొరిగిస్తాడు. – బయటకు వచ్చినప్పుడు మాత్రం హుందాతనం కోల్పోయి నీచానికి దిగజారి బజారు వ్యక్తి కూడా మాట్లాడని స్థాయిలో మంత్రులపై కూడా మాట్లాడతాడు. – నువ్వు అవినీతి పరుడివి కాకపోతే..నీతిమంతుడివే అయితే..నీ పరిపాలన జగన్‌ గారి పరిపాలనకంటే బాగుంది అనుకుంటే ఎందుకు నువ్వు ఎందుకు అందరితో కలిసి పోటీ చేయాలనుకుంటున్నావ్‌..? – నువ్వు వీరుడివి..సూరుడివి అనుకుంటే..భువనేశ్వరి గారు కోరుకుంటున్నట్లు నిజమే గెలవాలి అనుకుంటే నా సవాల్ స్వీకరించు. – నువ్వు కోర్టుకు వెళ్లి నాపై సీబీఐ విచారణ జరపండి అని కోరితే నిజం గెలుస్తుంది. – అంత బలముంటే నువ్వు అందరినీ కలుపుకుంటూ మాట్లాడుకుంటున్నావు..? – నువ్వు అవినీతి పరుడివని, నీ నోటి నుంచి వచ్చినవన్నీ అబద్ధాలు అని తేలిపోయింది. – నీకు నువ్వు రాజశేఖరరెడ్డి గారికి సమకాలికుడిని అని చెప్పుకుంటున్నావు తప్ప తర్వాత జనరేషన్‌ నుంచి వచ్చిన జగన్‌ గారిని ఎదుర్కోలేక ఇంత మందితో పొత్తు పెట్టుకుంటున్నావు.. – అంత అనుభవం, వయసున్న వాడివి నీ అనుభవం అంత వయసు లేని జగన్‌తో పోటీ పడలేక అందర్నీ తెచ్చి పోరాడాల్సిన అవసరం ఏం వచ్చింది...? – నీ నోటి గుండా వచ్చేది అబద్ధాలు...నువ్వు నోరు తెరిస్తే అబద్ధాల కంపు కొడుకుతుంది. – నువ్వు నీతిమంతుడివే అయితే, అవినీతి పరుడివి కాకపోతే ఏ ఒక్క కేసులోనైనా సీబీఐ విచారణకు సిద్ధం కావాలి. – సోమవారం ఉదయం కోర్టు తెరవగానే నాపై సీబీఐ విచారణ చేయండి అని అఫడవిట్‌ ఫైల్‌ చేయాలి. – లేదంటూ నువ్వు అబద్ధాలకోరువి..అవినీతి పరుడవని రాష్ట్ర ప్రజలకు తేటతెల్లమవుతుంది. – జనసేన–టీడీపీ పొత్తుకు మేం భయపడటం లేదు..మాకు ఒంటరిగా వారందరినీ ఎదుర్కొనే ధైర్యం ఉందంటున్నాం. – వాళ్లకు అంత ధైర్యమే ఉంటే అందరూ కలిసి ఎందుకు ఎన్నికలకు వస్తున్నారు? – నేను పరువు నష్టం కేసు వేయడానికి వాళ్లలో ఎవరికి పరువు ఉంది..? – చంద్రబాబు, లోకేశ్, సోమిరెడ్డిలకు పరువు ఉందా? ఇటువంటి వారిపై పరువునష్టం వేస్తానంటే ఎవరైనా నవ్వుకుంటారు.
