‘మహిళా మార్చ్‌’ బ్రోచర్‌ ఆవిష్క‌రించిన సీఎం

అసెంబ్లీ: మహిళా కమిషన్‌ రూపొందించిన వందల రోజుల మహిళా మార్చ్‌ బ్రోచర్‌ను ముఖ్యమంత్రి వైయస్‌ జగన్‌మోహన్‌రెడ్డి అసెంబ్లీలోని తన ఛాంబర్‌లో ఆవిష్కరించారు. నవరత్నాలు, ప్రభుత్వ పథకాల అమలు, వాటిపై అవగాహనతో పాటు దశలవారీ మద్యపాన నిషేధం, దిశ యాప్, ఇతర చట్టాలు, హెల్ఫ్‌ లైన్‌ నంబర్లపై మార్చి 8 వరకు వంద రోజుల పాటు కార్యాచరణను ఏపీ మహిళా కమిషన్‌ రూపొందించింది. వంద రోజులపాటు రాష్ట్ర వ్యాప్తంగా అన్ని జిల్లాల్లో కాలేజీ విద్యార్థినులకు రక్షణ టీంలు, సైబర్‌ నేరాలపై అవగాహన సదస్సులు నిర్వహించనున్నారు. బ్రోచర్‌ ఆవిష్కరణ కార్యక్రమంలో మహిళా శిశు సంక్షేమశాఖ మంత్రి తానేటి వనిత, ఆంధ్రప్రదేశ్‌ మహిళా కమిషన్‌ ఛైర్‌ పర్సన్‌ వాసిరెడ్డి పద్మ, ఏపీఐఐసీ ఛైర్‌ పర్సన్‌ ఆర్‌ కె రోజా, డీజీపీ గౌతం సవాంగ్, వ్యవసాయశాఖ స్పెషల్‌ చీఫ్‌ సెక్రటరీ పూనం మాలకొండయ్య, మహిళా, శిశు సంక్షేమ శాఖ ముఖ్య కార్యదర్శి ఏ ఆర్‌ అనురాధ, మహిళా కమిషన్‌ డైరెక్టర్‌ ఆర్‌ సుయజ్‌ పాల్గొన్నారు. 
 

తాజా వీడియోలు

Back to Top