'ఇతర కేసులతో జగన్‌ కేసుకు పోలిక లేదు'

న్యూఢిల్లీ, 16 జనవరి 20 13: వైయస్‌ఆర్‌ కాంగ్రెస్‌ పార్టీ అధినేత శ్రీ వైయస్ జగ‌న్మోహన్‌రెడ్డి కేసుకు ఇతర కేసులకు పోలిక లేదని పార్టీ రాజకీయ వ్యవహారాల కమిటీ సభ్యుడు, సలహాదారు సోమయాజులు అన్నారు. శ్రీ జగన్‌పై కొందరు పనిగట్టుకుని భారీ అవినీతి జరిగిందంటూ ప్రచారం చేస్తున్నారని ఆయన ఆవేదన, ఆగ్రహం వ్యక్తం చేశారు. శ్రీ వైయస్‌ జగన్‌ కేసును 2జీ స్పెక్ట్రమ్‌ కుంభకోణం కేసుతో కావాలనే పోలుస్తున్నారని ఆయన దుయ్యబట్టారు. ఈ కేసు విచారణలో కోర్టు ప్రమేయం లేదని, కేవలం కేసు పెట్టమని మాత్రం చెప్పిందని సోమయాజులు స్పష్టం చేశారు. శ్రీమతి విజయమ్మ నేతృత్వంలో జనకోటి సంతకాల సిడిలను రాష్ట్రపతికి అందజేసేందుకు వచ్చిన బృందంలో ఉన్న సోమయాజులు బుధవారంనాడు మీడియాతో మాట్లాడారు.