అత్యాచార నిందితుడ్ని కఠినంగా శిక్షించాలి

హైదరాబాద్‌: గుంటూరు జిల్లాలో తొమ్మిదేళ్ల బాలికపై అత్యాచారానికి పాల్పడిన నిందితుడ్ని కఠినంగా శిక్షించాలని వైయస్‌ఆర్‌సీపీ అధికార ప్రతినిధి వాసిరెడ్డి పద్మ డిమాండ్‌ చేశారు. డిచేపల్లిలో జరిగిన ఈ ఘటనను వైయస్‌ఆర్‌సీపీ తీవ్రంగా ఖండించింది. ప్రభుత్వం స్పందించకపోవడంతో వరస ఘటనలు జరుగుతున్నాయని మండిపడ్డారు. గుంటూరు జిల్లాలో ఇటీవల మహిళలపై దాడులు అధికమయ్యాయని విమర్శించారు. చంద్రబాబు పాలనలో అవినీతి, అన్యాయాలకు అంతే లేదని ధ్వజమెత్తారు. అన్ని వ్యవస్థలను కుప్పకూల్చారని ఆందోళన వ్యక్తం చేశారు.