ఇంటింటా "వైయస్ఆర్ కుటుంబం"

మెంటాడ:మండలంలోని కొండలింగాలవలస గ్రామంలో వైయస్సార్ సీపీ మండల ఉపాధ్యక్షులు ఎస్. తిరుపతిరావు, సర్పంచ్, వైయస్సార్ సీపీ మండల మహిళా అధ్యక్షురాలు ఎస్. నాగమణి, ఎంపీటీసీ సభ్యులు చింత కాశీనాయుడు ఆధ్వర్యంలో ఇంటింటా వైయస్సార్ కుటుంబం కార్యక్రమాన్ని నిర్వహించారు. గడపగడపకు వెళ్లి వైయస్ జగన్మోహనరెడ్డి ప్రకటించిన నవరత్నాలపై ప్రజలకు వివరించారు. జగనన్న ముఖ్యమంత్రి అయితే అందరికీ సంక్షేమ పథకాలు అందుతాయని వారు వివరించారు. రాజన్న రాజ్యం జగనన్నతో సాధ్యమని ప్రజలకు వివరిస్తున్నారు. ముఖ్యమంత్రి చంద్రబాబు నాయుడు అధికారం కోసం 600 హామీలు ఇచ్చి వాటిని అమలు చేయకుండా ప్రజలను మోసం చేశాడని ఈ విషయం ప్రతీ ఒక్కరూ తెలుసుకొని వచ్చే ఎన్నికలో చంద్రబాబుకు ఓటుతో బుద్ధి చెప్పాలని కార్యకర్తలు, బూత్ కమిటీ కన్వీనర్లు, సభ్యులు తెలిపారు. ఈ కార్యక్రమంలో వైయస్సార్ సీపీ కార్యకర్తలు, అభిమానులు పాల్గొన్నారు.