టీడీపీ సర్కార్ పై మహిళల ఆగ్రహం

అనంతపురంః రాయదుర్గం సమన్వయకర్త, మాజీ ఎమ్మెల్యే కాపు రామచంద్రారెడ్డి మండలంలోని చదం గ్రామంలో నేడు గడప గడపకు వైయస్సార్‌ కార్యక్రమం నిర్వహించారు.  ఉదయం 11  గంటలకు కార్యక్రమం ప్రారంభమై మద్యాహ్నం 3  గంటల వరకు జరిగింది. ఈ కార్యక్రమంలో 200  గడపలు తిరిగారు. ప్రభుత్వం ఇచ్చిన హామీలు , అమలు చేయకుండా మోసగించిన తీరును కాపు రామచంద్రారెడ్డి  ప్రజలకు వివరించి,వంద ప్రశ్నలతో కూడిన ప్రశ్నాపత్రాన్ని అందించారు. రైతురుణాలు, డ్వాక్రా రుణాలు మాఫీ చేస్తామని, మా ఇంటికి మహాలక్ష్మి పేరుతో బ్యాంకుల్లో డబ్బు జమ చేస్తామని, మహిళలకు సెల్‌ ఫోన్లు ఇస్తామని చెప్పిన ఒక్క వాగ్దానాన్ని కూడా పూర్తిస్థాయిలో  నెరవేర్చలేదని మహిళలు లక్ష్మిదేవి, సరసమ్మ, హనుమక్క, తలారి వన్నూరమ్మ, మహాలక్ష్మి తదితరులు టీడీపీ ప్రభుత్వం పై ఆగ్రహం వ్యక్తం చేశారు.