సమస్యలతో సతమతం

కాకినాడ సిటీ...పారిశుధ్య నిర్వహణ సరిగా లేకపోవడంతో తమ ప్రాంతం మురికికూపంగా మారిందని కాకినాడ 8వ డివిజన్‌లోని సాంబమూర్తినగర్‌ వాసులు తీవ్ర ఆవేదన వ్యక్తం చేశారు. గడపగడపకు వైయస్‌ఆర్‌ కార్యక్రమంలో భాగంగా బుధవారం వైయస్‌ఆర్‌సీపీ నగర కో ఆర్డినేటర్‌ ముత్తా శశిధర్‌ సాంబమూర్తినగర 2,3,4వీధుల్లో పార్టీ నాయకులు, కార్యకర్తలతో కలిసి పర్యటించారు. సొంతింటి కల నెరవేరుస్తారని ఆశతో అధికారులకు సొమ్ములు చెల్లించినా ఫలితం లేకపోయిందని పలువురు వాపోయారు. డివిజన్‌లో ప్రధానంగా ముంపు సమస్య అధికంగా ఉందని, వర్షం కురిస్తే రోడ్లన్నీ మునిగిపోతున్నాయంటూ వైయస్‌ఆర్‌సీపీ నేతల దృష్టికి తీసుకొచ్చారు. పారిశుధ్య నిర్వహణ సరిగా లేకపోవడంతో దొమలు పెరిగి కంటి మీద కునుకు లేకుండా పోయిందని ఆవేదన వ్యక్తం చేశారు. ముత్తా శశిధర్‌రెడ్డి మాట్లాడుతూ స్మార్ట్‌ సిటీకి ఎంపికైందని ప్రకటనలు గుప్పిస్తున్న అధికారులు, ప్రజాప్రతినిథులు ఈ ప్రాంతంలోని సమస్యలకు ఏం సమాధానం చెబుతారోనని ప్రశ్నించారు.