పింఛన్లు, గృహరుణం ఏవీ ఇవ్వడం లేదు

తూర్పుగోదావరి)) రాజమహేంద్రవరం రురల్ మండల పరిధి బొమ్మూరు నందు స్థానిక వైయస్ఆర్ కాంగ్రెస్ పార్టీ కోఆర్డినేటర్ ఆకుల వీర్రాజు గడప గడపకు వైయస్ఆర్ కార్యక్రమం నిర్వహించారు. ఈ సందర్భంగా మహిళలు వీర్రాజుకు తమ సమస్యలు విన్నవించారు. వర్షానికి మట్టి గోడలు నాని  పూరి పాక కూలిపోయిందని,  పంచాయతీలో తెలియజేసిన కనీసం స్పందన లేదని కప్పల సత్యవేని ఆవేదన వ్యక్తంచేశారు. గృహరుణం కోసం అనేక సార్లు దరఖాస్తు చేసుకున్నా అధికారుల నుండి ఇప్పటివరకు మంజూరు కాలేదని ఉప్పులూరి పాపా  అనే మహిళ వీర్రాజుకు వినవించుకుంది.  పింఛన్లు రావడం లేదని గెడ్డం నాగురమ్మ అనే వృద్ధురాలు, షేక్ షరీఫ్ అనే వికలాంగుడు తమ గోడును చెప్పుకున్నారు.