మూడేళ్లలో ఒక్క రూపాయి ఇచ్చిన పాపాన పోలేదు

పేదలు నివసించే లోతట్టు ప్రాంతమైన గౌస్ నగర్ లో ఎలాంటి మౌళిక సదుపాయాలు లేవని అన్నారు. కేంద్రం నుంచి వెనుకబడిన జిల్లాలకు వస్తున్న నిధులను కూడా ప్రభుత్వం దారి మళ్లిస్తుందని ఆగ్రహం వ్యక్తం చేశారు. అధికారులు అధికార పార్టీ నాయకులకు తొత్తులుగా మారితే తస్మాత్ జాగ్రత్త అని హెచ్చరించారు. ఒక్కరికైనా పెన్షన్లు గానీ, రేషన్, ఇళ్లు గానీ మంజూరు చేశారా ..? ఏం ఘనకార్యం చేశారని జన్మభూమి కార్యక్రమాలు చేస్తున్నారని పాలకులను నిలదీశారు. మీరు గతంలో తీసుకున్న అప్లికేషన్లు ఎన్ని పరిష్కరించారో ప్రజలకు చెప్పాలన్నారు. అధికార పార్టీ దోచుకోవడమే పనిగా పెట్టుకుందని,  ఇంత దారుణమైన ప్రభుత్వం ఎక్కడా లేదని అంజాద్ బాషా ఫైర్ అయ్యారు. వైయస్సార్సీపీ నిత్యం ప్రజల కోసం అహర్నిషలు  కృషి చేస్తోందన్నారు. ఎన్నికల్లో ఇచ్చిన హామీలపై ప్రభుత్వాన్ని నిలదీస్తామని అన్నారు.