పేదలకు భరోసా కల్పించేందుకే నవరత్నాలు

వెంకటగిరిః ప్రస్తుతం టీడీపీ ప్రభుత్వంలో అర్హులైన పేదలకు సంక్షేమపథకాలు అందక తీవ్రస్ధాయిలో నష్టపోయిన పేదలకు  వైయ‌స్ఆర్‌ కాంగ్రెస్ పార్టీ ద్వారా భరోసా కల్పించేందుకే వైయ‌స్ జ‌గ‌న్ మోహ‌న్ రెడ్డి నవరత్నాలను ప్రకటించినట్లు  పార్టీ పట్టణ కన్వీనర్ గుమ్మళ్లపుఢిల్లీబాబు పేర్కొన్నారు. పట్టణంలోని 22వవార్డులో బుధవారం వైయ‌స్ఆర్ కుటుంబం కార్యక్రమం నిర్వహించారు. ఈ సందర్భంగా ఆయన మాట్లాడుతూ  వైయ‌స్ఆర్‌ కాంగ్రెస్ పార్టీ అధికారంలోకి వస్తే ప్రతి పేదవారిని ఆధుకునే దిశగా  కృషి చేస్తుందని తెలిపారు. నవరత్నాల పథకాలను అమలుచేసే దిశగా వైయ‌స్ జ‌గ‌న్‌ పట్టుదలతో ఉన్నట్లు వివరించారు. పేదల జీవితాల్లో భరోసా కల్పించి పార్టీని బలోపేతం చేసే దిశగా ప్రతి కార్యకర్త సమిష్టిగా కృషిచేయాలని సూచించారు.  కార్యక్రమంలో  బూత్ కన్వీనర్ సీహెచ్ మునికృష్ణయ్య, నాగేశ్వరరావు, రామ్మోహన్, నాయకులు మల్లిరెడ్డి, గణేష్రెడ్డి, చిరంజీవి, మునెయ్య, శ్రీనివాసులు,సుబ్బరావు, టింకు, మున్నా, ఆదిల్, రబ్బానీ, విష్ణు, సాయితేజ, తదితరులు పాల్గొన్నారు.