గడపగడపలో ప్రజల పార్టీకి బ్రహ్మరథం

రుణమాఫీ, ఇంటికో ఉద్యోగం, నెలకు రూ.వేల నిరుద్యోగ భృతి, ఇళ్లు, పింఛన్లు ఏ ఒక్క హామీ నెరవేర్చకుండా ప్రజలను బాబు నట్టేట ముంచాడు. రెండున్నరేళ్లుగా ప్రజలను వంచిస్తూ మభ్యపెడుతూ కాలం వెళ్లబుచ్చుతున్నాడు. బాబు పాలనపై విసిగివేసారిన ప్రజలు టీడీపీకి తగిన గుణపాఠం చెప్పేందుకు సిద్ధంగా ఉన్నారు. మహానేత వైయస్సార్ స్వర్ణయుగం మళ్లీ రావాలంటే అది వైయస్ జగన్ తోనే సాధ్యమని విశ్వసిస్తున్నారు. 2019లో వైయస్సార్సీపీని గెలిపించుకుంటామని స్పష్టం చేస్తున్నారు. తమ జీవితాలు బాగుపడాలంటే వైయస్ జగన్ సీఎం కావాలని కోరుకుంటున్నారు.