ముద్రగడ కు అంబటి పరామర్శ

కాకినాడ: నిరాహార దీక్ష చేసి బాగా నీరసించిపోయిన మాజీమంత్రి ముద్రగడ
పద్మనాభాన్ని వైయస్సార్సీపీ సీనియర్ నేత అంబటి రాంబాబు  పరామర్శించారు. ముద్రగడ పట్ల ప్రభుత్వం
వ్యవహరించిన తీరు ప్రజాస్వామ్యానికి సిగ్గుచేటని ఆయన అన్నారు.  ఈ సందర్బంగా
అంబటి మీడియాతో మాట్లాడారు. చంద్రబాబుకు తల పొగరెక్కి, ఎవరినైనా అణచివేయాలని చూస్తున్నారని అంబటి
మండిపడ్డారు. ప్రజాస్వామ్యంలో అది సాధ్యం కాదని తెలిపారు. ముద్రగడ భవిష్యత్ లో
మరిన్ని విజయాలు సాధించాలని ఆకాంక్షించారు. ముద్రగడ ఉద్యమానికి అండగా ఉంటామని
భరోసా ఇచ్చారు.