26 నుంచి బూత్‌ కన్వీనర్ల సమావేశాలు

హైదరాబాద్‌: దశల వారీగా పోలింగ్‌ బూత్‌ కన్వీనర్ల సమావేశాలు నిర్వహించాలని వైయ‌స్ఆర్‌ కాంగ్రెస్‌ పార్టీ నిర్ణయించింది. ఈ నెల 26 నుంచి మే 10 వరకు జిల్లాల్లో మండలాల వారీగా బూత్‌ కన్వీనర్ల సమావేశాలు నిర్వహించాలని పార్టీ కేంద్ర కార్యాలయం బుధవారం ఒక సర్క్యులర్‌ జారీ చేసింది. పార్లమెంటు సభ్యులు, ఎమ్మెల్యేలు, అసెంబ్లీ నియోజకవర్గ సమన్వయకర్తలు, పార్లమెంటు జిల్లా అధ్యక్షులు ఈ సమావేశాలకు సంబంధించి తగు చర్యలు తీసుకోవాలని సూచించింది. నియోజకవర్గ సమన్వయకర్తలు తరచూ పోలింగ్‌ బూత్‌ కన్వీనర్లను కలవాలని.. కింది స్థాయిలో పార్టీ పరిస్థితులను ఎప్పటికప్పుడు తెలుసుకోవాలని ఆదేశించింది. ప్రజలతో సత్సంబంధాలు కొనసాగించేలా బూత్‌ కన్వీనర్లకు తగు సూచనలివ్వాలని సూచించింది.