చెరుకు పంటకు రూ.3 వేలు మద్దతు ధర కల్పించాలి

ఏపీ అసెంబ్లీ: చెరుకు పంటకు రూ.3 వేలు మద్దతు ధర కల్పించాలని ఎమ్మెల్యే కంబాల జోగులు డిమాండ్‌ చేశారు. శనివారం మీడియా పాయింట్‌లో ఆయన మాట్లాడారు. గిట్టుబాటు ధర లేక రైతులు ఎంతో బాధపడుతున్నారు. రైతులను పట్టించుకోలేని దుస్థితి నెలకొంది. ఏ పంటకు గిట్టుబాటు ధర లేదు. చెరుకు పంటకు టన్నుకు రూ.2300 ఇస్తున్నారు. ఈ ధర గిట్టుబాటు కావడం లేదు. కనీసం పెట్టుబడులు కూడా చేతికందే పరిస్థితి లేదు. చెరుకుకు రూ.3 వేలు మద్దతు ధర కల్పించాలి. వరికి కూడా రూ.1000 నుంచి రూ.1500లకు పెంచాలని డిమాండ్‌ చేస్తున్నాం. దీనికోసం ఈ రోజు మేం వాయిదా తీర్మానం ఇచ్చాం. అయితే చర్చ లేకుండా సభను వాయిదా వేశారు. టమోట ధర కిలో రెండు రూపాయలు అయ్యింది. ఇలాంటి పరిస్థితిలో రైతు ఎలా పంటలు పండిస్తారు. ప్రభుత్వం ఒక ఆలోచనతో ముందుకు వచ్చి రైతులను ఆదుకోవాలి.