రాజధాని పేరుతో ప్రజాధనం దుర్వినియోగం...!

చంద్రబాబు, వెంకయ్యనాయుడులు  ప్రత్యేకహోదాను అడ్డుకుంటున్నారన్న భావన ప్రజల్లో ఉందని వైఎస్సార్సీపీ నేతలు అన్నారు. ఐదేళ్లు కాదు పదేళ్లు ప్రత్యేకహోదా ఇస్తామని చెప్పిన వెంకయ్యనాయుడు అధికారంలోకి వచ్చి ప్రజలను మభ్యపెట్టే ప్రయత్నం చేస్తున్నారన్నారు. రాష్ట్రానికి ప్రత్యేకహోదా ఇవ్వడంలో కేంద్ర,రాష్ట్ర ప్రభుత్వాలు నిమ్మకు నీరెత్తినట్లు వ్యవరిస్తున్నాయని ఆరోపించారు. రాష్ట్రం గురించి గానీ, పెండింగ్ లో ఉన్న ప్రాజెక్ట్ ల గురించి గానీ చంద్రబాబు ఏమాత్రం పట్టించుకోవడం లేదని వైఎస్సార్సీపీ నేతలు ధ్వజమెత్తారు. రాజధాని పేరుతో విదేశాల చుట్టూ తిరుగుతూ ప్రజాధనాన్ని దుర్వినియోగం చేస్తున్నారని మండిపడ్డారు.