రైతులకు అండగా మచిలీపట్నంలో వైఎస్ జగన్ పర్యటన

కేంద్రప్రభుత్వమే భూఆర్డినెన్స్ ను వెనక్కి తీసుకుందని..రైతుల ఇష్టం లేకుండా బలవంతంగా భూములు తీసుకోలేరని వైఎస్ జగన్ స్పష్టం చేశారు.

పోర్టు భూములకు పరిహారం ఎంతిస్తారో ప్రభుత్వమే చెప్పాలని జగన్ డిమాండ్ చేశారు. రైతులకు అండగా ఉంటామని భరోసా ఇచ్చారు. 

అంతకుముందు గన్నవరం విమానాశ్రయం నుంచి రోడ్డు మార్గాన మచిలీపట్నం చేరుకున్న వైఎస్ జగన్ కు ..పార్టీనేతలు ఘనస్వాగతం పలికారు. పట్టణంలో వాహనాలతో భారీ ర్యాలీ నిర్వహించారు. అక్కడి నుంచి వైఎస్ జగన్ ఇంగ్లీషుపాలెంకు బయలుదేరారు. మక్కాలో మృతిచెందిన అబ్దుల్ ఖాదర్, ఫాతిమా కుటుంబాలను పరామర్శించారు. హజ్ యాత్ర మృతులను ముఖ్యమంత్రి పట్టించుకోకపోవడం దారుణమని వైఎస్ జగన్ మండిపడ్డారు. ఒక్కొక్కరికి రూ. 8లక్షల చొప్పున పరిహారం చెల్లించాలని డిమాండ్ చేశారు.