సమస్యను సామరస్యంగా పరిష్కరించుకుందాం

పశ్చిమ గోదావరి జిల్లా: అంబేద్కర్ విగ్రహ వివాదంపై  వాస్తవాలను తెలుసుకోవడానికి వైయస్‌ఆర్‌ కాంగ్రెస్‌ పార్టీ అధినేత, ప్రతిపక్షనేత వైయస్‌ జగన్‌మోహన్‌రెడ్డి గరగప్రరుకు చేరుకున్నారు. గ్రామంలో సాంఘీక బహిష్కరణకు గురైన దళితులను వైయస్ జగన్ పరామర్శించారు. ఈ సందర్భంగా మీడియాతో మాట్లాడుతూ.. వాస్తవ పరిస్థితులను తెలుసుకోవాలనే ఇక్కడికి వచ్చానని, రెండు పక్షాలతో మాట్లాడుతానన్నారు. సమాజంలో అంతా కలిసి ఉండాలనే నా భావన అని చెప్పారు. దాని కోసమే ఈ ప్రయత్నం అన్నారు. ప్రతి కులంలో మంచి, చెడు రెండు ఉంటాయని, ఎవరో ఒకరు చేసిన తప్పును ఆ కులం అంతటికీ ఆపాదించడం సరికాదన్నారు. ఒకవేళ పొరబాటు జరిగివుంటే దాన్ని సరిదిద్దుకుందామన్నారు. దాని వల్ల ఔన్నత్యం పెరుగుతుందని వైయస్‌ జగన్‌ అభిప్రాయపడ్డారు.