చిన్నారుల అభిమానం

తూర్పు గోదావరి:  చిన్నారుల అభిమానాన్ని కూడా వైయస్‌ జగన్‌ సొంతం చేసుకున్నారు. కైకోలుకు చెందిన వెంకటమోహనలక్ష్మీ అనే చిన్నారి తూరుపు కొండల్లో అనే పాటను అద్భుతంగా పాడి వైయస్‌ జగన్‌కు వినిపించింది.  అలాగే కొందరు తల్లిదండ్రులు తమ పిల్లలకు వైయస్‌ జగన్‌తో అక్షరాభ్యాసం చేయించుకుంటున్నారు. వైయస్‌ జగన్‌ తమ పిల్లలతో అక్షరాలు దిద్దించడం చూసి సంతోషపడుతున్నారు. వాతావరణం ఎలా మారినా.. జననేత ఖాతరు చేయ‌డం లేదు. ఎండవేడినీ, వానజడినీ పట్టించుకోలేదు. కష్టమైనా, నష్టమైనా చెక్కుచెదరని దీక్షాదక్షుడు ముందుకే సాగుతున్నారు. తడిసి ముద్దవుతున్నా సంకల్పసిద్ధితో ప్రతి క్షణం ప్రజలతో మమేకమయ్యారు. చెంతకు వచ్చిన వారి భుజంపై చేయి వేసి,  చిరునవ్వుతో పలకరిస్తూ,  ఆప్యాయంగా వారి కష్ట సుఖాలను తెలుసుకున్నారు. పరిష్కారానికి భరోసానిస్తూ ముందుకు సాగారు.