చెన్న‌మ‌నేని మృతిపై వైఎస్ జ‌గ‌న్ సంతాపం

హైదరాబాద్ :  ప్రముఖ తెలంగాణ సాయుధ పోరాట యోధుడు,  సిరిసిల్ల మాజీ ఎమ్మెల్యే చెన్నమనేని రాజేశ్వరరావు మృతి పట్ల వైయ‌స్సార్సీపీ అధ్యక్షుడు వైఎస్ జగన్ దిగ్భ్రాంతి వ్యక్తం చేశారు. తెలంగాణ చ‌రిత్ర‌లో చెన్న‌మ‌నేని పేరు చెప్పుకోద‌గ్గ‌ది. సుదీర్ఘ కాలం పాటు ఆయ‌న క‌మ్యూనిస్టు నాయ‌కుడిగా ఉద్య‌మాలు న‌డిపారు. జీవిత చ‌ర‌మాంకంలో ఆయ‌న పార్టీ మారటం జ‌రిగింది. తెలంగాణ పోరాటంలో చెర‌గ‌ని ముద్ర వేశారు. సిరిసిల్ల చేనేత కార్మికుల త‌ర‌పున పోరాటం చేశారు.