జన్మదిన శుభాకాంక్షలు అమ్మమంగళగిరిలో హత్యారాజకీయాలు లోకేష్ చలవే ‘తూర్పు’ కొండల్లో ఉదయించిన సూర్యుడిలాగుంటూరు వెస్ట్లో టీడీపీకి భారీ షాక్..వైయస్ఆర్సీపీలోకి కీలక నేతలునామినేషన్లు దాఖలు చేసిన వైయస్ఆర్ సీపీ అభ్యర్థులుకాకినాడ జిల్లా టీడీపీ నేతలు వైయస్ఆర్సీపీలో చేరికవైయస్ఆర్సీపీలో చేరిన జనసేన రాష్ట్ర కార్యదర్శి పోలసపల్లి సరోజపిఠాపురం కాంగ్రెస్ పార్టీ ఇన్చార్జ్ పంతం ఇందిర వైయస్ఆర్సీపీలో చేరికజనసేన నెల్లూరు జిల్లా అధ్యక్షుడు చెన్నారెడ్డి మనుక్రాంత్ రెడ్డి వైయస్ఆర్సీపీలో చేరికకోడుమూరు నియోజకవర్గంలో టీడీపీకి షాక్
పచ్చచొక్కాల ఇసుకమాఫియా
01 Apr 2016 5:32 PM
గుంటూరు(బెల్లంకొండ): మండలంలోని కృష్ణా తీర ప్రాంతాల నుంచి పెద్ద ఎత్తున ఇసుక అక్రమ రవాణా జరుగుతోంది. పోలీస్, రెవెన్యూ అధికారుల అలసత్వం, ప్రభుత్వ ఉదాసీనత, అధికార పార్టీ నేతల దందా... వెరసి ఇసుక అక్రమ రవాణాకు అడ్డు అదుపు లేకుండాపోతుందని స్థానిక ప్రజలు మండిపడుతున్నారు. కాంట్రాక్టర్ల అవతారమెత్తిన పచ్చచొక్కా నేతలు చెట్టు పేరు చెప్పి కాయలమ్ముకునే చందంగా... సామాన్యుల పేరుతో ఉచితం మాటున తోడేళ్ల మాదిరిగా ఇసుకను దోచుకుంటున్నారు. ఇష్టారాజ్యంగా నదీ గర్భాలను తోడేస్తు, పగలు నదీ ప్రాంతం నుంచి ఇసుకను ట్రాక్టర్ల ద్వారా డంప్ ప్రాంతాలకు చేర్చి రాత్రి సమయంలో అక్కడి నుంచి అక్రమ రవాణా చేస్తున్నారు. పోలీసులు సైతం నిమ్మకునిరెత్తినట్లు వ్యవహారిస్తుండడంతో అడ్డదారుల్లో ఇసుకను తరలిస్తూ కోట్లు కొల్లగొడుతున్నారు.
మండలంలోని కృష్టానదీ తీర ప్రాంతాలయిన బోధనం, కేతవరం, కోళ్లూరు, చిట్యాలలో గల తీరాల నుంచి ఇసుకను అక్రమంగా తరలిస్తున్నారు. టీడీపీ నేతలు దగ్గరుండి ఇసుకను తరలిస్తుండడంతో సంబంధిత అధికారులు అక్రమ తరలింపు ప్రాంతాలకు వెళ్లేందుకు జంకుతున్నారు. సంబంధిత ఉన్నతాధికారులు స్పందించి అక్రమ ఇసుక తరలింపును అరికట్టాలని పలువురు కోరుతున్నారు.