వైయస్‌ జగన్‌ వెన్నంటే ఉంటాం

రాష్ట్ర విభజన సమయంలో రెండు నాల్కల ధోరణితో వ్యవహరించిన టీడీపీ, విభజన అనంతరం రాష్ట్రానికి దక్కాల్సిన ప్రత్యేక హోదా విషయంలో కేంద్ర, రాష్ట్ర ప్రభుత్వాలు ఇచ్చిన మాట తప్పాయని జంగా కృష్ణమూర్తి విమర్శించారు. తిరుపతి వెంకన్న సాక్షిగా 15 సంవత్సరాల పాటు హోదా కావాలని డిమాండ్‌ చేసిన వారు నేడు హోదా సంజీవిని కాదనడం ప్రజల్ని మోసం చేయడం కాదా? అని ప్రశ్నించారు. హోదా వల్ల రాష్ట్రానికి  కలిగే ప్రయోజనాలను దక్కుండా చేస్తుందన్నారు. ప్రభుత్వం ప్రత్యేక ప్యాకేజీ పేరుతో నిధులు తీసుకువచ్చి, తమ పార్టీ నాయకుల జేబులు నింపుకోవడానికి  ప్రయత్నిస్తుందని దుయ్యబట్టారు.  ప్రత్యేక హోదా ఆంధ్రుల హక్కు అంటూ ప్రజలు నినదిస్తుంటే , దాన్ని అణచివేసేందుకు ఉక్కు పాదం మోపుతుందని ఆవేదన వ్యక్తం చేశారు. అమరావతిలో  తాత్కాలిక నిర్మాణాల పేరుతో వేల కోట్ల రూపాయలు దుర్వినియోగం చేస్తున్నారని మండి పడ్డారు.ఎన్ని అడ్డంకులు వచ్చినా వైయస్‌ జగన్‌ నాయకత్వంలో ప్రత్యేక హోదా సాధించుకు తీరతామని తెలియజేశారు. కార్యక్రమంలో మండల కన్వీనర్‌ చౌదరి సింగరయ్య ,జిల్లా సంయుక్త కార్యదర్శి వి. అనిల్‌ కుమార్‌  ఎంపీటీసీ కె. చంద్రశేఖర్‌ రావు, సేవాదళ్‌ అధ్యక్షులు జానీ, విద్యార్ధి విభాగం అధ్యక్షుడు కె, చిన రామయ్య , మండల నాయకులు రాము , అంజి , ప్రసాదు, వెంకటస్వామి , మద్దు రంగ పాల్గొన్నారు.