‌'విద్యుత్ కొరత తీర్చింది మహానేత వైయస్'

హైదరాబాద్ : రాష్ట్రంలో నెలకొన్న విద్యు‌త్ కొరతను‌ తీర్చింది దివంగత ముఖ్యమంత్రి, మహానేత డాక్టర్ వై‌యస్ రాజశేఖరరెడ్డి ‌అని ఎ.పి. జెన్‌కో జాయింట్ మేనేజింగ్ డైరెక్ట‌ర్ డి.ప్రభాక‌ర్‌రావు గుర్తుచేశారు. పవర్ ప్రాజెక్టుల ద్వారా విద్యు‌త్‌ను స్వయం ఉత్పత్తి చేయడం ద్వరా ఆయన విద్యుత్ కొరతను ‌అధిగమించగలిగారన్నారు. విద్యుత్ ఉత్పత్తిలో ప్రభుత్వ రంగ సంస్థలకు‌ మహానేత వైయస్ పెద్దపీట వేశార‌న్నారు. అందుకే రైతులు, పరిశ్రమలకు సరిపడినంత విద్యుత్‌ను అందజేయగలిగామని ప్రభాకర్‌రావు పేర్కొన్నారు. హైదరాబాద్‌లోని ఇందిరా ప్రియదర్శిని ఆడిటోరియంలో సోమవారం వైయస్‌ఆర్ విద్యు‌త్ ఎంప్లా‌యీస్ యూనియ‌న్‌ -2013 డైరీని ప్రభాకర్‌రావు ఆవిష్కరించారు.