వరదలతో రాజధానికి ముప్పు

అమరావతి ప్రాంతం సముద్రమట్టానికి 21.7 మీటర్ల ఎత్తులో ఉందని.. కానీ వరదల సమయంలో కృష్ణానది 25 మీటర్ల ఎత్తు పెరుగుతుందని సంజయ్ పరేఖ్ వివరించారు. అమరావతిలో 10వేల ఎకరాలకు ముంపు ప్రమాదం ఉందని పర్యావరణ మదింపు నివేదికలో స్పష్టంగా ఉన్నట్లు ఆయన తెలిపారు. ఆ పదివేల ఎకరాల భూమిని 25 మీటర్ల ఎత్తు ఎలా పెంచుతారని పరేఖ్ ప్రశ్నించగా.. దానికి సమాధానం చెప్పేందుకు ఆంధ్రప్రదేశ్ ప్రభుత్వం తరఫున వాదించిన న్యాయవాది గంగూలీ తడబడ్డారు. అనంతరం విచారణ రేపటికి వాయిదా పడింది.